16 jastaǵy Ámir Omarhanov Prezıdent kýbogin jeńispen bastady

<p>ASTANA. KAZINFORM &ndash; Qazaqstandyq, 16 jastaǵy Ámir Omarhanov Prezıdent kýbogi úshin Astanada ótip jatqan ATP Challenger Tour týrnırin jeńispen bastady.</p>

Bıyl Madrıd masters týrnıriniń irikteý saıysynda baq synaǵan Qaraǵandy tennıs mektebiniń túlegi Ámir Omarhanov úshin bul óziniń sporttyq jolyndaǵy alǵashqy chellendjer jarysy edi.

Ámirdiń qarsylasy álemniń 794-raketkasy, reseılik Maksım Jýkov 19 jasta bolatyn.

Birinshi sette esep 2:2 bolǵan mezette Omarhanov breık jasaı bildi. Sol basymdylyq oǵan jetkilikti boldy – 6:4.

Ekinshi sette qazaqstandyq jas tennısshi 5:2 esebimen alǵa ketip, matchqa dop bergende, ol múmkindigin paıdalana alǵan joq. Degenmen oıyndy eıspen túıindedi – 6:4. Saǵat jarymnan astam ýaqytqa sozylǵan básekede Ámir 2 eıspen birge 5 breık-poınttyń úsheýin múlt jibermedi. Jýkov 1 eıspen (4 breık-poınt) shekteldi.

Osylaısha, eresekter arasynda ATP jarysynda alǵashqy jeńisine qol jetkizgen Ámir Omarhanov Prezıdent kýboginiń shırek fınalyna shyǵý úshin álemniń 533-raketkasy, Saba Pýrtseladzemen talasady.

Eske sala keteıik, budan buryn tennısten Prezıdent kýboginde Grıgorıı Lomakınniń alǵashqy jeńisine qol jetkizgenin jazǵan bolatynbyz.