16 sáýir. Tulǵalar týǵan kún
ESІMDER
73 jyl buryn (1951) EAEO-ǵa múshe memleketterdiń Qarjy qyzmetteri konsýltatıvtik komıtetiniń múshesi Erserik Dámenuly SIYRBAEV dúnıege keldi.
Shyǵys Qazaqstan oblysynda týǵan. 1974 jyly Omby temirjol kóligi ınstıtýtyn «elektr mehanıgi» mamandyǵy boıynsha, 1987 jyly Almaty halyq sharýashylyǵy ınstıtýtyn «ekonomıst» mamandyǵy boıynsha támamdaǵan.
Eńbek jolyn 1968 jyly Shar stantsııasynda depo frezershisi retinde bastaǵan. 1974 jyly «Kazjeldorproekt» ınstıtýtynyń ınjeneri, 1975-1988 jyldary KSRO Memlekettik banki Qazaq respýblıkalyq kontorynda ınjener, bólim meńgerýshisi bolǵan. 1988-2011 jyldary «Qazaqstannyń halyq jınaq banki» AQ basqarma tóraǵasynyń orynbasary, 2011-2012 jyldary «Qazposhta» AQ basqarma tóraǵasynyń keńesshisi, 2012-2013 jyldary ekinshi deńgeıli birqatar bankterde basshylyq qyzmetter atqarǵan. 2013-2023 jyldary QR bank ombýdsmeni laýazymynda boldy.
«Qazaqstan Respýblıkasynyń táýelsizdigine 10 jyl», «Astananyń 10 jyldyǵy» medaldarimen marapattalǵan.
65 jyl buryn (1959) tanymal ánshi, kompozıtor, Qazaqstan Jastar odaǵy syılyǵynyń laýreaty, Qazaqstannyń eńbek sińirgen ártisi Marat OMAROV dúnıege keldi.
Ońtústik Qazaqstan oblysynda týǵan. Ál-Farabı atyndaǵy Mádenı-aǵartý ınstıtýtyn bitirgen.
Shymkent oblystyq fılarmonııasynda «Aýylym – ánim» ansambliniń ánshisi, Qazaq televızııasynyń mýzykalyq redaktory qyzmetterin atqarǵan. 2001 jyldan Astana qalasynda Prezıdent orkestrinde jáne fılarmonııada qyzmet etken. Ol «Naýryz» shyǵarmashylyq qoryn, «Balalardy damytý» qoryn ashqan. 2000 jyly Los-Andjeles qalasyndaǵy FIDOF Álemdik kompozıtorlar qaýymdastyǵynyń múshesi bolyp qabyldandy. Ánshiniń oryndaýynda «Anashym», «Áke armany», «Qyz syny», «Syńarym», «Ánshi balapan», «Qoshtasqym kelmeıdi», «Arman qala – Astana», «Mekke-Mádıne», «Naýryz», t.b. ánder bar.
Qazaqstan kompozıtorlar odaǵynyń múshesi, Respýblıkalyq «Jiger-87», Halyqaralyq «Ystyqkól-89», «Buqara-90» festıvalderiniń, Sh. Qaldaıaqov atyndaǵy respýblıkalyq baıqaýdyń, «Azııa daýysy-95», «Altyn dısk-97» (Ystanbul), Frantsııadaǵy «Dostyq ánderi» festıvalderiniń, «Kaır-2003» (Mysyr) halyqaralyq baıqaýynyń laýreaty.
64 jyl buryn (1960) «Qazaq kúresi» federatsııasynyń birinshi vıtse-prezıdenti Bádelhan QAMALHANULY dúnıege keldi.
Shyǵys Qazaqstan oblysynda týǵan. 1996 jyly zańger mamandyǵy boıynsha ál-Farabı atyndaǵy Qazaq memlekettik ýnıversıtetin támamdady.
Eńbek joly: 1990-1992 jyldary Almaty oblystyq atqarý komıteti ІІB Qaskeleń aýdandyq atqarý komıteti ІІB-de Sotsıalıstik menshikti talan-tarajǵa salýǵa qarsy kúres bóliminiń jedel ýákili, 1992-2005 jyldary QR ishki ister organdarynda túrli basshylyq qyzmetter atqardy. 2005-2006 jyldary Qyzylorda oblysy ІІD basshysynyń birinshi orynbasary, 2006-2009 jyldary Jambyl oblysy ІІD basshysynyń birinshi orynbasary, 2009-2010 jyldary Batys Qazaqstan oblysy Kóliktegi ІІD basshysynyń birinshi orynbasary, 2010-2012 jyldary QR-daǵy «Interpol» Ulttyq ortalyq bıýrosynyń basshysy, 2014-2017 jyldary QR QM MKD Shyǵys Qazaqstan oblysy boıynsha memlekettik kirister departamenti basshysynyń orynbasary – ekonomıkalyq tergeý qyzmetiniń basshysy, 2017-2018 jyldary QR Іshki ister mınıstrligi Esirtki bıznesine qarsy kúres jáne esirtki aınalymyn baqylaý departamenti basshysynyń orynbasary qyzmetin atqarǵan.
Mońǵolııanyń Olımpıada komıtetiniń «Qazaq kúresin damytýǵa qosqan úlesi úshin» altyn ordenimen, qyzmettik mindetterin adal atqarǵany úshin, eńbekte joǵary nátıjelerge qol jetkizgeni úshin jáne Qazaqstan Respýblıkasynyń elordasynyń 10 jyldyǵyn merekeleýge baılanysty «Astananyń 10 jyldyǵy , «ІІM-de minsiz qyzmeti úshin» 1, 2, 3 dárejeli, «Qazaqstan Respýblıkasynyń táýelsizdigine 20 jyl», «Quqyq tártibin qamtamasyz etýge qosqan úlesi úshin» medaldarymen, «Qazaqstan polıtsııasyna 15 jyl», «Qurmetti sport qyzmetkeri» tósbelgilerimen marapattalǵan.
52 jyl buryn (1972) Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi Álim Serikuly QIRABAEVdúnıege keldi.
Almaty qalasynda týǵan. 1994 jyly Ál-Farabı atyndaǵy Qazaq memlekettik ulttyq ýnıversıtetin bitirdi, 1993 jyly AQSh-ta taǵylymdaman ótip, QR Prezıdenti janyndaǵy Memlekettik basqarý akademııasy Dıplomatııa ınstıtýtynyń QR SІM qurylymdyq bólimsheleri basshylarynyń biliktiligin arttyrý kýrsynan ótti.
Dıplomatııalyq qyzmetin 1997 jyly QR SІM Eýropa elderi basqarmasynyń referenti, keıinnen Kópjaqty yntymaqtastyq departamentiniń attashesi laýazymdarynan bastady. 1997-1999 jyldary Birinshi departamenttiń BUU jáne halyqaralyq ekonomıkalyq uıymdar basqarmasynyń úshinshi hatshysy, 1999-2000 jyldary Halyqaralyq ekonomıkalyq yntymaqtastyq departamentiniń ekinshi hatshysy, 2000 -2003 jyldary Qazaqstannyń Mysyrdaǵy Elshiliginiń ekinshi hatshysy, 2003 jyly Qazaqstanǵa oralǵannan keıin Eýropa jáne Amerıka departamentiniń, QR SІM Apparatynyń, Halyqaralyq gýmanıtarlyq jáne ekonomıkalyq yntymaqtastyq departamentiniń keńesshisi qyzmetin atqardy. 2005-2006 jyldary Qazaqstan Respýblıkasynyń Japonııadaǵy Elshiliginiń birinshi hatshysy, 2006-2007 jyldary Aqparattyq-taldaý departamentiniń Aqparattyq-taldaý jumystary jáne boljamdyq baǵalaý basqarmasynyń bólim basshysy, 2007-2010 jyldary Amerıka departamentiniń basqarma basshysy, keıinnen dırektorynyń orynbasary, 2010 -2019 jyldary QR SІM Syrtqy saıası taldaý jáne boljamdaý departamentiniń dırektorynyń orynbasary jáne dırektory, 2019-2020 jyldary QR SІM Erekshe tapsyrmalar jónindegi Elshisi qyzmetinde boldy.
Qazirgi qyzmetin 2020 jyldyń naýryz aıynan bastap atqaryp jatyr.
50 jyl buryn (1974) Qazaqstan Respýblıkasy Parlamenti Senatynyń depýtaty Darhan Qýandyquly QYDYRÁLІ dúnıege keldi.
Ońtústik Qazaqstan oblysynyń Túlkibas aýdanynda dúnıege kelgen. 1991-1992 jyldary Ál-Farabı atyndaǵy QazUÝ-de 199-1996 jyldary jáne Túrkııanyń Marmara, 1996-1997 jyldary Dokýz Eılúl, 1997-1998 jyldary Egeı, 1998-2001 jyldary Ystanbul ýnıversıtetterinde bilim alǵan. 2001 jyly Ystanbul ýnıversıtetinde doktorlyq dıssertatsııa qorǵap, «fılosofııa doktory» ǵylymı dárejesin ıelengen, 2010 jyly Abaı atyndaǵy QazUPÝ-da doktorlyq dıssertatsııa qorǵap, tarıh ǵylymdarynyń doktory atanǵan. Tarıh ǵylymdarynyń doktory, QR UǴA-nyń korrespendent-múshesi.
Eńbek joly: 2001-2005 jyldary Q.A. ıAsaýı atyndaǵy Halyqaralyq qazaq-túrik ýnıversıtetinde aǵa ǵylymı qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymı qyzmetker, 2005-2006 jyldary L.N. Gýmılev atyndaǵy Eýrazııa ulttyq ýnıversıtetinde dotsent, aǵa ǵylymı qyzmetker, 2006-2007 jyldary QR Prezıdenttik mádenıet ortalyǵynda dırektordyń orynbasary, 2007-2008 jyldary QR Bilim jáne ǵylym mınıstriniń keńesshisi qyzmetin atqarǵan. 2008-2009 jyldary QR Prezıdenti Ákimshiliginde sarapshy, sektor meńgerýshisi, 2009-2012 jyldary QR Prezıdenti Baspasóz hatshysynyń orynbasary, 2012-2014 jyldary Túrki keńesi Bas hatshysynyń orynbasary bolyp qyzmet atqardy. 2014 jyldan bastap Halyqaralyq Túrki akademııasynyń prezıdenti. 2015 jylǵy maýsymnan Túrki álemi Ulttyq ǵylym akademııalar odaǵy hatshylyǵynyń basshysy qyzmetin qosa atqarady jáne atalǵan odaqtyń uıymdastyrýshysy bolyp sanalady. 2015 jyly ıÝNESKO-nyń Parıjdegi shtab-páterinde «Qorqyt murasy jáne Túrki álemi» atty halyqaralyq mádenı sharany, 2016 jyly Nıý-Iork qalasyndaǵy Birikken Ulttar uıymynyń shtab-páterinde «2030 Jospary úshin Jibek joly boıyndaǵy jańa sınergııa» atty halyqaralyq sımpozıýmdy uıymdastyrdy. 2016-2022 jyldary «Egemen Qazaqstan» respýblıkalyq gazeti» AQ Basqarma tóraǵasy boldy. 2018 jyly Halyqaralyq Túrki akademııasynyń prezıdenti bolyp ekinshi merzimge taǵaıyndaldy. 2022-2023 jyldary QR Aqparat jáne qoǵamdyq damý mınıstri laýazymyn atqarǵan.
50 jyl buryn (1974) Jambyl oblysy prokýrorynyń birinshi orynbasary Qanat Esirkepuly MAMAEV dúnıege keldi.
Ońtústik Qazaqstan (qazirgi Túrkistan) oblysynda týǵan. Ál-Farabı atyndaǵy Qazaq memlekettik ýnıversıtetin «quqyqtaný» mamandyǵy boıynsha bitirgen.
Eńbek jolyn 1996 jyly Ońtústik Qazaqstan oblysy Kentaý qalasy prokýratýrasynda stajer bolyp bastaǵan. 1997-2008 jyldary Ońtústik Qazaqstan oblysynyń prokýratýra organdarynda birqatar laýazymdardy atqardy. 2008-2010 jyldary Ońtústik Qazaqstan oblysy Saryaǵash aýdanynyń prokýrory, 2010-2011 jyldary Almaty qalasy Alataý aýdanynyń prokýrory, 2011-2016 jyldary Almaty qalasy Almaly aýdanynyń prokýrory, 2016-2017 jyldary Almaty qalasy Medeý aýdanynyń prokýrory, 2017-2019 jyldary Almaty qalasy prokýrorynyń orynbasary, 2019 jyly Qostanaı oblysy prokýrorynyń orynbasary boldy. 2019-2020 jyldary Aqmola oblysy prokýrorynyń birinshi orynbasary laýazymyn atqardy.
Qazirgi qyzmetinde 2020 jyldyń aqpan aıynan bastap.
49 jyl buryn (1975) Astana qalasy prokýrorynyń birinshi orynbasary Erjan Sákenuly BERDІBEKOVdúnıege keldi.
Qazirgi Túrkistan oblysynda týǵan. Ál-Farabı atyndaǵy Qazaq memlekettik ýnıversıtetin «quqyqtaný» mamandyǵy boıynsha bitirgen.
Prokýratýra organdaryndaǵy eńbek jolyn 1996 jyly Mańǵystaý oblysy Aqtaý qalasy prokýrorynyń kómekshisi laýazymynan bastady. Mańǵystaý oblysy prokýratýrasynyń áleýmettik-ekonomıkalyq saladaǵy zańdylyqty qadaǵalaý bóliminiń prokýrory, Mańǵystaý oblysy prokýrorynyń aǵa kómekshisi, Mańǵystaý oblysy prokýratýrasynyń ekonomıkalyq saladaǵy zańdylyqty qadaǵalaý bóliminiń bastyǵy, Mańǵystaý oblysy Qaraqııa aýdanynyń prokýrory, Mańǵystaý oblysy prokýrorynyń orynbasary, Qazaqstan Respýblıkasy Bas Prokýrorynyń Apparaty Hatshylyǵynyń Bas prokýrorynyń aǵa kómekshisi, Astana qalasy «Saryarqa» aýdanynyń prokýrory qyzmetterin atqarǵan. Ońtústik Qazaqstan oblysy prokýrorynyń birinshi orynbasary boldy. 2019-2022 jyldary Astanada qala prokýrorynyń orynbasary laýazymyn atqarǵan.
Qazirgi qyzmetin 2022 jyldyń qyrkúıek aıynan bastap atqaryp jatyr.