16 mıllıonnan astam Ózbekstan azamaty koronavırýsqa qarsy ekpe aldy

TAShKENT. QazAqparat – Ózbekstanda koronavırýsqa qarsy vaktsınanyń tolyq kýrsynan 16,1 mln adam ótti. Bul eldegi eresek turǵyndardyń 75,3%-yn quraıdy, dep habarlaıdy QazAqparat menshikti tilshisi.

Ózbekstan Respýblıkasy Densaýlyq saqtaý mınıstrliginiń málimetinshe, COVID-19-ǵa qarsy ekpe kampanııasynyń 16 aıynda 62,3 mln doza vaktsına qoldanylǵan. 16,1 mıllınnan astam ózbekstandyq vaktsınatsııanyń tolyq kýrsynan ótti, olardyń 14,2 mıllıony vaktsınanyń býsterlik dozasyn aldy. Bul halyq arasynda COVID-19-ǵa qarsy ujymdyq ımmýnıtettiń qalyptasýyna yqpal etti.

«Búginde Ózbekstanda vaktsınalanatyn halyqtyń 96,9 %-y birinshi dozany saldyrsa, 75,3 %-y vaktsınatsııanyń tolyq kýrsymen qamtyldy», - dep habarlady Densaýlyq saqtaý mınıstrligi.

Vedomstvoda atap ótkendeı, óńirler bólinisinde Samarqan, Ferǵana, Tashkent jáne Ándijan oblystary kósh bastap tur, onda vaktsınanyń 7 mıllıonnan astam dozasy paıdalanylǵan.

Buǵan deıin Ózbekstanda egý naýqany ótken jyldyń 1 sáýirinde bastalǵany habarlanǵan bolatyn. Vaktsınatsııa AstraZeneca, ZF-UZ-VAC2001, «Spýtnık-V», Moderna, Pfizer jáne Sinovac preparattarymen júzege asyrylady. Respýblıkada 2021 jylǵy 3 tamyzda jumys isteıtin halyqty mindetti vaktsınalaýdyń quqyqtyq negizin bekitetin zań qabyldandy.