16 mamyr kúni Nur-Sultanda avtobýs júrmeıdi

NUR-SULTAN. QazAqparat - Osy jeksenbide NUr-Sultanda taǵy da avtobýs qatynamaıdy, dep habarlaıdy QazAqparat.

Bul jaıynda City Transportation Systems kompanııasy málimet taratty.

«16 mamyr, jeksenbi kúni Nur-Sultan qalasy bas memlekettik sanıtar dárigeriniń qaýlysyna sáıkes, elordada qalalyq jáne qala mańyna qatynaıtyn baǵdarlardyń qozǵalysy bir kúnge toqtatylady» delingen habarlamada.

Avtobýstarda dezınfektsııalyq jumys júrgiziledi.

Eske sala keteıik, qoǵamdyq kólikte betperde taǵý rejımi qatań saqtalýǵa tıis. Avtobýsqa maskasyz kirýge bolmaıdy.

Jol aqysy qolma-qol aqshasyz tólenedi: kóliktik karta kómegimen nemese QR-kod skanerleý/kólik kodyn engizý arqyly.