16 mamyr Qazaqstanda kún jańbyrly bolady

<p>ASTANA. KAZINFORM — Qazgıdromet mamandary 16 mamyr, beısenbige arnalǵan aýa raıy boljamyn usyndy. </p>

Qazaqstan aýmaǵynyń basym bóligine ońtústik tsıklony jáne soǵan baılanysqan atmosferalyq fronttar áser etedi.

Osylaısha naızaǵaı oınap, jańbyr jaýady, ońtústik-shyǵysta, shyǵysta qatty jańbyr, burshaq jaýyp, daýyl soǵady.

Tek elimidiń soltústiginde jaýyn-shashyn joq, kún ashyq.

Respýblıka boıynsha jel kúsheıedi, túngi jáne tańerteńgi saǵattarda soltústik-batys pen ortalyqta tuman túsedi.

Jetisý oblysynyń Alakól aýdanynda keı ýaqytta jel ekpini 30 m/s asady. 

Túnde Pavlodar oblystarynyń soltústiginde, Qostanaı, Aqmola, Soltústik Qazaqstan oblystarynyń soltústiginde, shyǵysynda topyraq betinde 2-3 gradýs úsik júredi.

Qaraǵandy oblysynyń ońtústiginde, Ulytaý oblysynyń ortalyǵynda, Abaı, Aqtóbe, Qostanaı oblystarynyń ońtústiginde, Atyraý oblysynyń ońtústik-shyǵysynda, Shyǵys Qazaqstan oblysynyń ońtústik-shyǵysynda, Qyzylorda oblysynyń soltústiginde, ońtústiginde, ortalyǵynda, Qyzylorda oblysynyń batysynda, Batys Qazaqstan oblysynyń batysynda, ońtústik-batysynda, Jetisý oblysynyń shyǵysynda joǵary órt qaýipi saqtalady. Túrkistan oblysynyń shóldi aýdandarynda, Abaı oblysynyń Úrjar aýdanynda tótenshe órt qaýipi kútiledi.