16 qazanda elimizde Nan kúni atalyp ótiledi
Bul týraly QR Aýyl sharýashylyǵy vıtse-mınıstri Baǵlan Bekbaýov ortalyq kommýnıkatsııalar qyzmetinde ótken brıfıngide aıtty.
«Erteńnen bastap elordadaǵy «EXPO» halyqaralyq kórme ortalyǵynda 12-14 qazan aralyǵynda «KazAgro/KazFarm-2022» kórmesi ótedi.
Kórme naryqqa agroónerkásiptik sektorǵa agrarlyq ǵylymnyń sońǵy álemdik jetistikterin engizýge yqpal etetin jetekshi álemdik avtokontsernderdiń, ınnovatsııalyq tehnologııalar men agrarlyq sektordy damytý baǵdarlamalarynyń aýyl sharýashylyǵyndaǵy jańa tehnıka men jabdyqtardy usynady», - dedi mınıstrlik ókili.
Aıtýynsha, kórmege aýy sharýashylyǵyna tyń tehnologııalar usynyp júrgen óndirýshiler keledi. Arasynda qazaqstandyq kásiporyndar da, sheteldik iri kompanııalar da bar.
«Sondaı-aq kórme aıasynda Ósimdik sharýashylyǵy ozattarynyń ekinshi sleti ótkiziledi. Onyń aıasynda salanyń úzdik ókilderiniń eńbegi atap ótiledi. Bıyl slet Úkimet qaýlysyna sáıkes jyl saıyn 16 qazanda atap ótiletin Nan kúnine arnalǵan bizdiń úlken kásibı merekemiz dóp kelip otyr. Dástúr boıynsha, slet negizgi egin jınaý naýqanynyń sońynda ótetin edi. Al bıyl bizdiń fermerlerdiń jetistigi osy kórmede pash etýge laıyq bolǵaly tur», - dedi vıtse-mınıstr.