16 qazan kúni elordada ótetin mańyzdy sharalar ańdatpasy
11.00-de QR Ulttyq akademııalyq kitaphanasynda «Úzdik 30 aýyl» anyqtamalyq albomynyń tusaýkeseri ótedi. Sharaǵa «Nur Otan» partııasynyń hatshysy Arman Qyryqbaev, memleket qaıratkeri, ǵalym, fılologııa ǵylymdarynyń doktory, professor Myrzataı Joldasbekov, QR Parlamenti Senatynyń depýtaty Nurtóre Júsip, Elbasy keńsesiniń, QR Aqparat jáne qoǵamdyq damý mınıstrliginen, QR Mádenıet jáne sport mınıstrliginen, Nur-Sultan qalasy ákimdiginen ókilder qatysady.
11.00-de Hampton by Hilton qonaq úıinde Qazaqstan JOO ókilderiniń qatysýymen Sustainability Living Lab (SLL) baǵdarlamasynyń birinshi konferentsııasy ótedi. Atalǵan baǵdarlamany Nazarbaev ýnıversıtetiniń Turaqty damý keńsesi Shevron kompanııasynyń qoldaýymen «National Conservation Initiative» korporatıvtik qorymen birge júzege asyrady.