16 qazaqstandyq shetelden PTR-anyqtamasyz ushyp keldi

NUR-SULTAN. QazAqparat - 9 sáýir kúni Qazaqstan aýmaǵyna Shrı-Lanka, Qytaı, Maldıv Respýblıkasy, Birikken Arab Ámirlikteri, Mysyr, Túrkııa, Reseı, Belarýs, Ózbekstan jáne Qyrǵyzstan elderinen 30 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, ótken bir táýlikte elimizge barlyǵy 4135 jolaýshy ushyp keldi. Olardyń 4119-ynda koronavırýsqa PTR-testileýdiń teris nátıjesi bar anyqtama bolǵan. Qalǵan 16 jolaýshy PTR-anyqtamasyz kelgen, barlyǵy da – QR azamattary.

Onyń ishinde:

- Almaty qalasynyń áýejaıyna ushyp keldi – 16 reıs, 2 277 jolaýshy, anyqtamamen - 2271, anyqtamasyz - 6;

- Nur-Sultan qalasynyń áýejaıyna – 7 reıs, 1036 jolaýshy, anyqtamamen - 1027, anyqtamasyz - 9;

- Shymkent qalasynyń áýejaıyna – 4 reıs, 458 jolaýshy, anyqtamamen - 457, anyqtamasyz - 1;

- Aqtaý qalasynyń áýejaıyna – 2 reıs, 296 jolaýshy anyqtamamen kelgen;

- Qostanaı qalasynyń áýejaıyna – 1 reıs, barlyq 68 jolaýshy anyqtamamen kelgen.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - delingen taratylǵan aqparatta.

Sondaı-aq 8 sáýir kúni shetelden PTR-anyqtamasyz ushyp kelgen Qazaqstannyń 15 azamatynyń taldaý nátıjesi daıyn bolǵan – jolaýshylardyń eshbirinde koronavırýs anyqtalmady.