16 qarasha. Tulǵalar týǵan kún
48 jyl buryn (1975) «Qazatomónerkásip» Ulttyq atom kompanııasy» AQ ekonomıka jáne qarjy jónindegi bas dırektory Rýslan Baqytjanuly BEKETAEV dúnıege keldi.
Shymkent qalasynda týǵan. Qazaq memlekettik agrarlyq ýnıversıtetin, Brıstol ýnıversıtetin (Ulybrıtanııa), Oksford ýnıversıtetin (Ulybrıtanııa) bitirgen.
Eńbek joly: 1996-2001 jyldary - QR Ulttyq qundy qaǵazdar komıssııasynyń lıtsenzııalaý jáne qadaǵalaý departamentinde jetekshi maman, sektor meńgerýshisi, bólim bastyǵy, basqarma bastyǵynyń orynbasary, departament dırektorynyń orynbasary mindetin atqarýshy. 2001-2004 jyldary QR Ulttyq bankiniń qarjylyq qadaǵalaý departamentiniń ınspektsııalaý basqarmasynyń bastyǵy, 2004-2005 jyldary QR qarjy naryǵyn jáne qarjy uıymdaryn retteý jáne qadaǵalaý agenttigi bankterdi qadaǵalaý departamentiniń ınspektsııalaý basqarmasynyń bastyǵy, 2005-2010 jyldary qarjy organdaryndaǵy, QR Ekonomıkalyq qylmyspen jáne sybaılas jemqorlyqpen kúres agenttiginde qyzmet etti. 2011 jyly «Qazaq gýmanıtarlyq zań ýnıversıteti» AQ basqarma tóraǵasynyń keńesshisi, 2011-2012 jyldary QR Qarjy mınıstrliginiń qarjylyq monıtorıng komıteti tóraǵasynyń orynbasary, 2012-2014 jyldary QR Qarjy mınıstrliginiń Qazynashylyq komıtetiniń tóraǵasy, 2014-2021 jyldary QR Qarjy vıtse-mınıstri, 2021-2023 jyldary Eýrazııalyq ekonomıkalyq komıssııanyń ekonomıka jáne qarjy saıasaty mınıstri qyzmetin atqardy.
2023 jyldyń qańtar aıynan bastap qazirgi qyzmetinde.
48 jyl buryn (1975) QR eńbek sińirgen qaıratkeri, «Daryn» jastar syılyǵynyń laýreaty Aqan Jylqyshybaıuly ÁBDÝÁLIEV dúnıege keldi.
Almaty oblysy Jambyl aýdany Shıen aýylynda týǵan. 2005 jyly Qurmanǵazy atyndaǵy Qazaq ulttyq konservatorııasyn, 2012 jyly Almaty ekonomıka jáne statıstıka akademııasyn támamdaǵan.
Eńbek jolyn Súıinbaı atyndaǵy Almaty oblystyq fılarmonııasynan bastaǵan. Keıinirek J. Elebekov atyndaǵy Respýblıkalyq estrada – tsırk kolledjinde, sondaı-aq Qurmanǵazy atyndaǵy Qazaq Ulttyq konservatorııasynda ustazdyq qyzmetter atqarǵan. T. Júrgenov atyndaǵy Qazaq ulttyq óner akademııasy mýzyka fakýltetiniń «Dástúrli mýzyka oryndaýshylyq» kafedrasynyń meńgerýshisi boldy. 2008-2009 jyldary A. Jubanov atyndaǵy QOMMMI dırektorynyń mýzyka isi jónindegi orynbasary, 2009-2015 jyldary A. Jubanov atyndaǵy RQMMMI dırektory, 2015-2016 jyldary Jambyl atyndaǵy qazaq memlekettik fılarmonııasynyń dırektory qyzmetterin atqarǵan. Almaty oblysy ákiminiń ókimimen 2016 jyldyń 1 maýsymynan bastap oblystyq mádenıet, arhıvter jáne qujattama basqarmasynyń basshysy bolyp taǵaıyndaldy. 2018-2019 jyldar aralyǵynda Almaty oblysy ákiminiń orynbasary, 2019-2021 jyldary T.Q. Júrgenov atyndaǵy Qazaq Ulttyq óner akademııasynyń rektory, 2021-2022 jyldary QR Mádenıet jáne sport mınıstrligi Mádenıet komıtetiniń tóraǵasy qyzmetin atqardy.
48 jyl buryn (1975) «Egemen Qazaqstan RG» JShS Bas dırektorynyń orynbasary, Qazaqstan halqy Assambleıasynyń múshesi, «Ahyska» túrik etnomádenı birlestiginiń basshysy Ásker Allaberdiuly PІRIEV dúnıege keldi.
1995 jyly Shymkent energetıka jáne bıznes kolledjiniń «ekonomıka jáne menedjment» mamandyǵyn, 2001 jyly «Turan» ýnıversıtetiniń halyqaralyq ekonomıka jáne bıznes mamandyǵy boıynsha, 2013 jyly Qazaq tehnologııa jáne bıznes ýnıversıtetin ekonomıka ǵylymdarynyń magıstri dárejesimen támamdady.
Eńbek jolyn 1995 jyly «MTK HILAL» JShS-dan bastap, 1998-2003 jyldary «Ak-plast ınjınırıng» JShS bas dırektorynyń orynbasary, 2003-2011 jyldary «Álem-Sıstem» JShS bas dırektory qyzmetin atqardy. 2011 jyldan beri «Alýana» JShS dırektory, «Tengrı» qonaqúıiniń dırektory.
41 jyl buryn (1982) QR Úkimeti apparaty basshysynyń orynbasary Qundyzbek Bolatuly ÁBDІRASІLOV dúnıege keldi.
Áýlıe ata ýnıversıtetin jáne Jambyl gýmanıtarlyq-tehnıkalyq ýnıversıtetin bitirgen.
Eńbek joly: 2005 jyly Jambyl oblysy, Baızaqov aýdany boıynsha Salyq komıtetinde shtattan tys qyzmetker, keıinnen salyqtyq tirkeý bóliminiń bas mamany bolyp jumys istedi. 2014-2018 jyldary «Ulttyq aqparattyq tehnologııalar» AQ, QR Statıstıka agenttiginde, Ulttyq ekonomıka mınıstrliginde túrli qyzmetterdi atqardy. Eýrazııalyq ekonomıkalyq komıssııanyń Ekonomıka jáne qarjy saıasaty mınıstriniń hatshylyǵyn basqardy, Astana qalasy Statıstıka departamenti basshysynyń orynbasary, basshysy boldy. Ártúrli jyldary QR Qarjy mınıstriniń, premer-mınıstr orynbasarynyń, premer-mınıstrdiń keńesshisi, QR premer-mınıstri hatshylyǵynyń meńgerýshisi qyzmetterin atqardy.
40 jyl buryn (1983) QR eńbek sińirgen sport sheberi, bokstan Olımpıada chempıony Serik Jumanǵalıuly SÁPIEV dúnıege keldi.
Qaraǵandy oblysynda týǵan. E. Bóketov atyndaǵy Qaraǵandy memlekettik ýnıversıtetiniń dene shynyqtyrý jáne sport, ekonomıka fakýltetterin bitirgen.
2002-2004 jyldary QR Qarýly kúshter qatarynda áskerı boryshyn ótegen. 2003-2009 jyldary E.A. Bóketov atyndaǵy Qaraǵandy Memlekettik ýnıversıtetinde dene shynyqtyrý oqytýshysy jáne quqyqtaný mamandyqtary boıynsha bilim alǵan. 2011-2014 jyldary taý-ken isteriniń bakalavry mamandyǵy boıynsha QarMTÝ-in bitirgen. 2014-2016 jyldary Qazaq sport jáne týrızm akademııasynyń akademııalyq pedagogıka ǵylymynyń magıstri dárejesin aldy. 2014 jyly «Bolashaq» baǵdarlamasy boıynsha sport menedjeri mamandyǵyn aldy. 2004-2014 jyldary kelisimshart boıynsha merziminen tys áskerı qyzmette boldy. 2010-2012 jyldary «Qazaqstannyń boks federatsııasy» QN ZTB-nyń jattyqtyrýshy-oqytýshysy, 2013-2014 jyldary «Qazaqstannyń boks federatsııasy» QN ZTB-nyń sport jónindegi dırektory, 2005-2013 jyldary boks jónindegi QR ulttyq komandasynyń nusqaýshy-sportshysy, 2014-2017 jyldary «Astana Arlans» JShS bas dırektory, 2017-2019 jyldary VI saılanǵan QR Parlamenti Májilisiniń depýtaty, Áleýmettik-mádenı damý komıtetiniń múshesi boldy. 2019-2021 jyldary QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy qyzmetin atqardy.
«Parasat», «Otan» ordenderimen, «Astananyń 10 jyldyǵy», «Qazaqstan Respýblıkasynyń táýelsizdigine 25 jyl» medaldarymen marapattalǵan.