16 qaraǵandylyq otbasy «Nurly jer» baǵdarlamasy boıynsha páter aldy
22:04, 04 Qyrkúıek 2018
QARAǴANDY. QazAqparat - Qaraǵandyda «Nurly jer» baǵdarlamasymen salynǵan bes qabatty, 60 páteri bar turǵyn úı paıdalanýǵa berildi. Bırıýzov kóshesinde boı kótergen úıden baspanaǵa muqtaj bolyp otyrǵan 16 otbasy páterli boldy, dep habarlaıdy QazAqparat tilshisi qala ákimdiginiń baspasóz qyzmetine silteme jasap.
Olarǵa jańa páterlerdiń kiltin qala ákimi Nurlan Áýbákirov tabys etti.
Jalǵa beriletin baspanaǵa jetim balalar, kóp balaly otbasylarǵa berildi. Sondaı-aq bıýdjet qyzmetkerleri, áskerı jáne memlekettik qyzmetshiler de páterli boldy.
Budan tys, jyl sońyna deıin baspana qurylysy baǵdarlamasy boıynsha Qaraǵandyda taǵy 325 páterdi paıdalanýǵa berý josparda bar. Úıler qaladaǵy 12, 14 jáne 15-shaǵyn aýdandarda salynyp jatyr.