157 baǵyttaǵy jolaýshy poıyzdary ýaqytsha toqtatyldy - IIDM

NUR-SULTAN. QazAqparat - El aýmaǵynda tótenshe jaǵdaı jáne jekelegen qalalarda karantın rejımi engizilgen sátten bastap Qazaqstandaǵy temirjol qozǵalysy ýaqytsha toqtatyldy, dep habarlaıdy QazAqparat.

Bul týraly QR Indýstrııa jáne ınfraqurylymdyq damý mınıstri mindetin atqarýshy Qaıyrbek Óskenbaev aıtyp berdi.

Mınıstrlik quzyryna qaraıtyn temirjol kóligi boıynsha, buryn 157 jolaýshylar jáne qala mańy poıyzdary qatynaıtyn. Olardyń da jumysy tolyq toqtatyldy. Qazirgi ýaqytta temirjol sharýashlyǵy qyzmetkerlerin, jumysshylardy tasýǵa arnalǵan 24 poıyz ǵana qaldy», - dedi Q. Óskenbaev Ortalyq kommýnıkatsııalar qyzmetinde ótken brıfıngte.

Sonymen birge, vedomstvo ókili temirjol boıynsha júk tasıtyn kólikterge shekteý qoıylmaǵanyn eske saldy.

«Odan bólek, jergilikti ákimdikterge qaraıtyn avtokólik boıynsha, syrttan keletin jáne ishki marshrýttaǵy avtobýstardy toqtattyq. Kólikter jumysy jergilikti ákimdikke qaraıdy. Sondyqtan olarǵa óz pikirimizdi jiberip, saparjaılardy ýaqytsha toqtatýdy usynyp jatyrmyz», - dedi ol.