150 jas sýretshi «Balalar álemdi beıneleıdi. Ortalyq Azııa 2013-2014» ıÝNESKO halyqaralyq baıqaý-festıvaline qatysady

ASTANA. QazAqparat - Qazaqstan, Qyrǵyzstan, Tájikstan, Ózbekstan jáne Túrkmenstannan kelgen 150 jas sýretshi «Balalar álemdi beıneleıdi. Ortalyq Azııa 2013-2014» ıÝNESKO halyqaralyq baıqaý-festıvaline qatysý úshin Astanaǵa keldi, dep habarlady astana.kz.

Uıymdastyrýshylardyń aıtýynsha, qańtar-maýsym aılarynda 5 memlekettiń balalary óz jumystaryn konkýrstyq komıssııaǵa usyndy.

21-22 tamyzda jas qylqalam sheberleri Ortalyq Azııa elderiniń daryndy sýretshileriniń beıneleý ónerinen sheberlik synyptaryna, halyqaralyq mamandardyń mádenıet, óner jáne kommýnıkatsııa salasyndaǵy dáristerine qatysady. Sondaı-aq, festıvalǵa qatysýshylar úshin ekskýrsııalyq baǵdarlama da uıymdastyrylady. Festıval sońynda 23 tamyzda Nazarbaev ortalyǵynda qatysýshylardy dıplomdarmen jáne estelik syılyqtarmen marapattaý saltanaty ótedi. QR Mádenıet jáne sport mınıstrligi baspasóz qyzmetiniń habarlaýynsha, sharaǵa Mádenıet jáne sport mınıstri, ıÝNESKO jáne ISESKO isteri jónindegi ulttyq komıssııanyń tóraǵasy A. Muhamedıuly qatysady. Aıta keteıik, «Balalar álemdi beıneleıdi. Ortalyq Azııa 2013-2014» jobasy 2010 jyly qolǵa alynǵan bolatyn.