150 myń teńge úshin óltirgen: SQO-da aıyptalýshylar dáleldiń joqtyǵynan aqtaldy

<p>PETROPAVL. KAZINFORM — Soltústik Qazaqstan oblysynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen eki adamǵa qatysty qylmystyq isti qarady. Olarǵa qaraqshylyq shabýyl jasady, kisi óltirdi jáne bireýine qosymsha bótenniń múlkin urlady degen aıyp taǵyldy.</p>

SQO sotynyń málimetinshe, sottalýshylar tonaý maqsatynda aldyn ala sóz baılasý arqyly jábirlenýshiniń úıiniń aýlasyna kirip, ony óltirip, 150 myń teńgesin urlap ketken.

Eki aıdan keıin aıyptalýshynyń biri — jasóspirim ájesiniń, odan keıin dosynyń 2 mln teńgeden astam aqshasyn urlaǵan.

Alaıda, tonaý jáne kisi óltirý boıynsha kinási dáleldenbegendikten ekeýi de aqtaldy.

Onyń biri bótenniń múlkin urlaǵany úshin kináli dep tanyldy.

Er adam jasaǵan qylmysyn moıyndady, jábirlenýshilerdiń, kýálardyń aıǵaqtarymen jáne qylmystyq is materıaldarymen dáleldendi. 

Jaýapkershiligi men jazasyn jeńildetetin mán-jaı retinde kámeletke tolmaǵany, kinásin ishinara moıyndaýy jáne 3-toptaǵy múgedek ekeni eskerildi. 

Aýyrlatatyn mán-jaı anyqtalmaǵan. Ol 2 jylǵa bas bostandyǵynan aıyrý jazasyna kesildi.

Úkim zańdy kúshine engen joq.