15 jyl buryn adam óltirgen qazaqstandyq azamat Reseıde ustaldy
«Osydan 15 jyl buryn adam óltirgen qazaqstandyq Reseı aýmaǵynda qolǵa tústi. Pavlodar oblysynyń krımınaldyq polıtsııasynyń izdeý toby reseılik áriptesterimen birge Reseı Federatsııasynyń Barnaýyl qalasynda quqyq qorǵaý organdarynan jaltaryp júrgen kúdiktini ustady», - dedi Shuǵyla Turlybek vedomstvonyń baspasóz alańynda ótken brıfıngte.
Onyń atap ótýinshe, 40 jastaǵy Qazaqstan azamaty 2007 jyly Pavlodar qalasyndaǵy «H-saıt» klýby janynda adam óltirgeni úshin halyqaralyq izdeýde bolǵan. Qandy oqıǵa oryn alǵan kúni ol pavlodarlyq bıznesmendi kúzetip júrgen jáne klýb aldyndaǵy kólik turaǵy úshin ózge adammen eregisip qalǵan.
«Eregis barysynda ol tegis uńǵymaly qarýmen qarsylasyn atqan. Pavlodarlyq polıtseıler kúdiktiniń osy jyldardyń ishinde ózge bireýdiń saýalnama málimetterimen Reseı azamaty retinde jasyrynyp júrgenin anyqtady. QR Bas prokýratýrasy ustalǵan adamdy qylmystyq jaýapkershilikke tartý úshin Qazaqstanǵa ekstradatsııalaý máselesin sheship jatyr», - dedi ІІM ókili.