15 jasar atyrýlyq sportshy djıý-djıtsýdan álem chempıony atandy
Óńirlik kommýnıkatsııalar qyzmetinen málim etkendeı, atyraýlyq jasóspirim sportshy Bolashaq Súıekenov álem chempıonatynyń altyn medaline ıe boldy.
Brikken Arab Ámirlikteriniń Abý-Dabı qalasynda 29 qazannan beri djıý-djıtsýdan álem chempıonaty ótip jatyr.
Chempıonatqa 65 eldiń 1 500 sportshysy jınalǵan. Onyń ishinde Qazaqstannyń quramasy da bar.
«Biz shákirtterimizdi kóp ýaqyt boıy daıyndadyq. Álem chempıonytyna qatysý úshin kúsh-jiger, úzdiksiz jattyǵý, qajyrly eńbek qajet. Qazaqstan quramasynda synǵa túsken atyraýlyq sportshy Bolashaq Súıekenov álem chempıonatynda qarsylastarynyń bárin utyp, úmitimizdi aqtady. Ol 38 kelide álem chempıony atandy. Onyń jasy – 15-te. Áli de el namsysyn qorǵaıtyn sportshylarymyz bar», -deıdi bas jattyqtyrýshy Aıbar Esenǵalıev.
Qazir bul dodada Qazaqstan quramasy jalpy esepte kósh bastap tur. Álem chempıonaty 8 qarashaǵa deıin jalǵasady.
Eske sala ketelik, budan buryn atyraýlyq sportshy gir kóterýden álem chempıony atanǵanyn habarlaǵan bolatynbyz.
On jyldan beri gir sportymen aınalysatyn Rıshat Ǵalıahmetov bıyl Azııa chempıonatyna qatysyp, altyn medaldi ıelengen.
Al, jaqynda Úndistannyń Nıý-Delı qalasynda gir tasyn kóterýden ótken álem chempıonatynyń jeńimpazy atandy.