15 myńnan astam pavlodarlyq sapaly medıtsınalyq kómekpen qamtamasyz etiledi

<p>PAVLODAR. KAZINFORM &mdash; Ertis-Baıan óńirindegi densaýlyq saqtaý salasyn jańǵyrtýǵa 4,6 mlrd teńge bólindi. Bul qarajatqa óńirdiń aýyldyq jerlerinde jańadan 30 medıtsınalyq nysan salynady.</p>

Aýyldyq jerlerde dárigerlik ambýlatorııalar, 5 feldsherlik-akýsherlik pýnkt jáne 23 medıtsınalyq pýnkt turǵyzylady. Nysandardyń deni Ýspen, Aqqýly aýdandary men Aqsý qalasynyń aýyldyq aımaǵynda ornalasady.

Foto: Pavlodar oblysy Óńirlik kommýnıkatsııalar qyzmeti

 

— 30 jobanyń 28-i búginde memlekettik saraptamanyń oń nátıjesin alyp, 10 joba boıynsha qurylys-montajdaý jumystaryna jarııalanǵan konkýrstar aıaqtaldy jáne merdiger uıymdar anyqtaldy. 11 sáýirde qurylys jumystary bastalyp ketken. Segiz joba boıynsha 10 shildege deıin qurylys jumystary aıaqtalýy kerek. Taǵy 18 joba boıynsha merdigerdi anyqtaý úshin konkýrstyq protsedýralar júrgizilip jatyr, -dep habarlady Pavlodar oblysy densaýlyq saqtaý basqarmasynyń basshysy Ánýar Buırashev.

Atalǵan jobalardyń nátıjesinde óńirde jańadan 68 jumys orny qurylady. Deıturǵanmen oblysta medıtsınalyq qyzmetkerler boıynsha muqtajdyq saqtalyp otyr, ártúrli beıindegi 167 maman qajet. Shalǵaı aýyldarǵa jas mamandardy tartý úshin olarǵa 8,5 mln teńgege deıin kóterme járdemaqy, úı satyp alýǵa 0,1%-ben nesıe usynylyp otyr.

Qazirgi ýaqytta Ertis-Baıan óńirindegi densaýlyq saqtaý salasynda 7,5 myń adam eńbek etip jatyr.

Eske sala keteıik, 90 myńnan astam aýyl turǵyny «Salamatty Qazaqstan» poıyzynan medıtsınalyq kómek aldy. 

Foto: