15 maýsymnan bastap «Almaty-2 – Dostyq» baǵyty boıynsha qosymsha poıyz saparǵa shyǵady

NUR-SULTAN. QazAqparat - «Jolaýshylar tasymaly» AQ jolaýshylar tarapynan suranystyń artýyna baılanysty jazǵy maýsymǵa aptasyna eki ret qatynaıtyn «Almaty-2 – Dostyq» baǵyytyndaǵy № 221/222 qosymsha kommertsııalyq jolaýshylar poıyzyn iske qosty. Bul týraly QazAqparat «QTJ» UK» AQ baspasóz qyzmetine silteme jasap habarlaıdy.

Ol Almaty-2 stansasynan 2021 jyldyń 15 maýsymynan 28 tamyzyna deıin seısenbi jáne senbi kúnderi jóneltiledi;

- Dostyq stansasynan 2021 jyldyń 16 maýsymynan 29 tamyzyna deıin sársenbi jáne jeksenbi kúnderi kelýimen/jóneltilýimen;

- Almaty-2 stansasyna 2021 jyldyń 17 maýsymynan 30 tamyzyna deıin beısenbi jáne dúısenbi kúnderi keledi.

Ulttyq tasymaldaýshy jolaýshylardan BILET.RAILWAYS.KZ saıty nemese «QTJ bıletteri» mobıldi qosymshasy arqyly onlaın jol júrý qujattaryn (bıletterin) rásimdeýdi suraıdy. Qajet bolǵan jaǵdaıda temirjol bıletterin satyp alý úshin «Kútý paraǵy» fýnktsıonalyn paıdalanýdy usynady.

Sondaı-aq, karantın rejımine baılanysty jolaýshylardan jol boıynda jáne eldegi vokzaldarda betperde rejımin saqtap júrýlerin suraımyz.