15 mamyrdan bastap Shymbulaqtyń aspaly joldary jóndeýge jabylady
11:18, 11 Mamyr 2023
ALMATY. QazAqparat - 14 mamyrdan soń «Shymbulaq» taý-shańǵy kýrortyna tek eko-avtobýs nemese taksımen kóterilýge bolady. Bul týraly taý-shańǵy kýrortynyń baspasóz qyzmeti málim etti, dep habarlaıdy QazAqparat tilshisi.
«Shymbulaq» TShK baspasóz qymzeti habarlaǵandaı, 15 mamyrdan 31 mamyrǵa deıin – «Medeý-Shymbulaq» jáne «Kombı-1» aspaly joly, 15 mamyrdan 9 shildege deıin – «Kombı-2» aspaly joly, 4-kresloly-aspaly joly (4-KAJ) shtattyq rejımde jumys isteıtin bolady. 14 mamyrdan keıin Shymbulaqqa tek eko-avtobýstarmen nemese taksılermen kóterilýge bolady.
«Jazǵy maýsymǵa esigimizdi ashpas buryn - bizdiń aspaly joldarymyz jyl saıynǵy profılaktıkalyq jóndeýden ótýi kerek. Munyń bári siz ben bizdiń qaýipsizdigimiz úshin qajet. Mamyr aıy - jaıaý serýendeýge jáne taýǵa shyǵýǵa tamasha ýaqyt. Biz sizderdi kútemiz, kýrortta kezdeskenshe», - dep habarlady «Shymbulaq» TShK baspasóz qyzmeti.