15 mamyrdan bastap bankter nesıeniń paıyzdyq mólsherlemelerin birdeı shrıftimen jarııalaýǵa mindetteledi

ASTANA. QazAqparat – 15 mamyrdan bastap elimizde qaryzdar men mıkrokredıtterge tólenetin jyldyq tıimdilik syıaqysynyń mólsherlemesin resimdeýdiń jańa qaǵıdalary qoldanylady, dep habarlaıdy QazAqparat tilshisi.

Fingramota.kz saıtynyń jazýynsha, Qarjy naryǵyn retteý jáne damytý agenttigi 20 aqpanda qabyldaǵan qos qaýly qarjylyq qyzmet tutynýshylardyń quqyqtaryn qorǵaý isin kúsheıtip, qaryz alýshylarǵa bankten alatyn boryshy men salatyn salymynyń tolyq quny týraly senimdi aqparat alýǵa múmkindik bermek.

Atalǵan qujattar alǵashqy resmı jarııalanǵan kúninen keıin kúntizbelik 60 kún ótken soń qoldanysqa engizilýi kerek. Bul 15 mamyrǵa dóp kelip otyr.

Osylaısha, bankter men mıkroqarjy uıymdary klıentpen jasaıtyn kelisimsharttyń mátininde jáne jarnama mátininde jyldyq tıimdi syıaqy mólsherlemesi men nomınaldy syıaqy mólsherlemesin birdeı mólsherdegi qariptermen, kórsetip jazýy kerek. ıAǵnı, mólsherleme týraly málimetter adam avtomatty túrde nazar aýdarmaıtyndaı usaq shrıftermen berilmeýi qajet.

«Qyzmetter boıynsha syıaqy shamasy týraly aqparatty taratý, onyń ishinde ony jarııalaý kezinde, klıenttermen jasalatyn, kompıýterlik tehnıka qurylǵylarynyń kómegimen jyldyq tıimdi syıaqy mólsherlemesi basqa syıaqy mólsherlemelerimen bir sóılemde basyp shyǵarylatyn shartta tsıfrmen JTSM-di mólsheri men resimdelý stıli (kýrsıv, qoıý, túspen belgileý) boıynsha basqa syıaqy mólsherlemelerimen birdeı kórsetetini aıtylǵan. Eger jalpy sharttar shartta keste túrinde kórsetilse, JTSM basqa mólsherlemeler kórsetilgennen keıin kelesi jeke jolda (baǵanda) kórsetiledi», - dep jazylǵan qaýlyda.

Bul jerdegi jyldyq tıimdilik syıaqysynyń mólsherlemesi boryshker nesıeniń negizgi somasynan bólek tóleıtin artyq kórsetkishterdiń bárin anyq kórsetetin shama ekenin eskerý qajet.

Al nomınaldy mólsherleme – qaryzdy paıdalanǵany úshin komıssııalar men basqa tólemderden tys aı saıyn esepteletin syıaqy mólsherlemesi.

«Qaryz alýshy kredıt alý somasyn, eseptelgen syıaqyny (nomınaldy mólsherlemeni) qaıtarýmen ǵana emes, sondaı-aq qaryzǵa qyzmet kórsetýge baılanysty ózge de komıssııalardy, tólemderdi tóleýmen de baılanysty ekenin túsinýi qajet», - delingen resmı túsindirmede.

Bul qaýlylar bankter men mıkroqarjy uıymdary jarnama men kelisimshart mátininde nomınaldy mólsherleme men jyldyń tıimdilik syıaqysynyń mólsherlemesin túrli shırftimen berý arqyly, artyq tóleıtin somanyń shynaıy mólsherin jasyrýǵa jol bermeý úshin qabyldanyp otyr.