15 mamyr kúni tórt oblysta úsik júredi - Qazgıdromet

<p>ASTANA. KAZINFORM &ndash; &laquo;Qazgıdromet&raquo; RMK el aýmaǵynda 15 mamyrda bolatyn qaýipti meteorologııalyq qubylystarǵa boljam jasady.</p>

Sınoptıkterdiń málimetinshe, ońtústik tsıklony men onymen baılanysqan atmosferalyq frontaldy bólikter QR terrıtorııasynyń basym bóliginde óz áserin saqtaıdy.

«Naızaǵaı oınap, jańbyr jaýady, shyǵys pen ortalyqta qatty jańbyr, burshaq jaýyp, daýyl soǵady. Tek elimidiń soltústigi, soltústik-batysy men ońtústik-shyǵysynda jaýyn-shashynsyz aýa raıy bolady. Respýblıka boıynsha jeldiń kúsheıýi, túngi jáne tańerteńgi saǵattarda soltústigi, soltústik-batysy men ortalyǵynda tuman kútiledi», dep jazdy vedomstvodan.

Túnde Qostanaı, Aqtóbe oblystarynyń soltústiginde, Soltústik Qazaqstan oblysynyń batysynda, Aqmola oblysynyń batysy men soltústiginde topyraq betinde 2-3 gradýs úsik túsedi.

Qaraǵandy oblysynyń batysynda, ońtústiginde, Ulytaý oblysynyń ortalyǵynda, Abaı, Qostanaı oblystarynyń ońtústiginde, Atyraý oblysynyń soltústik-batysynda, Shyǵys Qazaqstan oblysynyń ońtústik-shyǵysynda, Qyzylorda oblysynyń batysynda, Batys Qazaqstan oblysynyń batysynda, soltústik-batysynda, ońtústik-batysynda joǵary órt qaýipi saqtalady.

Qyzylorda oblysynyń Qazaly aýdanynda, Túrkistan oblysynyń shóldi aýdandarynda, Abaı oblysynyń Úrjar aýdanynda tótenshe órt qaýipi kútiledi.