15 qyrkúıekte elordada ótetin mańyzdy sharalar
9.00-de Úkimet úıinde Úkimet otyrysy ótedi. Kún tártibinde ındýstrııalyq-ınnovatsııalyq damýdyń 2020-2025 jyldarǵa arnalǵan memlekettik baǵdarlamasy sheńberinde Indýstrııalandyrý kartasynyń jobalaryn iske asyrý, áleýmettik mańyzy bar taýarlar baǵasyn retteý jáne azyq-túlikpen qamtamasyz etý qaralady. Úkimet otyrysy PrimeMinister.kz saıtynda jáne áleýmettik jelidegi resmı akkaýnttarynda onlaın rejımde kórsetiledi.
11.00-de Dostyq úıinde Qazaqstan halqy Assambleıasy «Qazaqstan halqy Assambleıasyna 25 jyl: syn-qaterler, jetistikter, tájirıbe» atty halyqaralyq ǵylymı-praktıkalyq konferentsııasyn ótkizedi.
11.00-de Nur-Sultan qalasy ákimdiginiń baspasóz ortalyǵynda «Balalardyń terezeden qulaý faktileri» taqyrybynda onlaın brıfıng ótedi. Oǵan Nur-Sultan qalasy TJD basqarma basshysy Erkin Otarǵalymuly qatysady. Onlaın brıfıng qala ákimdiginiń Facebook -tegi resmı paraqshasynda tikeleı efırde ótedi.
11.00-de QR ІІM tergeý departamentiniń bastyǵy S. Ádilov onlaın kórsetilim formatynda qarjy pıramıdasy týraly istiń tergelý barysy jóninde brıfıng ótkizedi.