15 qyrkúıekten bastap karantındik shekteýler engizile me?

<p>ASTANA. KAZINFORM &ndash; Áleýmettik jelilerde 15 qyrkúıekten bastap karantındik shekteýler engizilip, barlyǵyna maska kııý rejımi engiziletini týraly taralǵan aqparat shyndyqqa janaspaıdy. Bul týraly Sanıtarııalyq-epıdemıologııalyq baqylaý komıtetinen málimdedi.</p>

«QR Bas memlekettik sanıtarııalyq dárigeriniń mindetin atqarýshynyń epıdemııalyq maýsym kezeńinde profılaktıkalyq jáne epıdemııaǵa qarsy is-sharalardy júrgizýdi kózdeıtin qaýlysyna sáıkes, aǵymdaǵy jylǵy 15 qyrkúıekten bastap tumaýǵa qarsy vaktsınatsııa júrgizý bastalady.

Maska kııý rejımi tek medıtsınalyq uıymdardyń qyzmetkerleri úshin engiziledi», — delingen aqparatta.

Onda koronavırýs ınfektsııasynyń jaǵdaıy baqylaýda ekeni jazylǵan. 

«Shyndyqqa janaspaıtyn aqparatty taratatyn adamdardyń is-áreketterine quqyqtyq baǵa berý úshin materıaldar quqyq qorǵaý organdaryna berildi.

Azamattardy resmı aqparat kózderindegi senimdi aqparatqa senýge shaqyramyz», — dep tolyqtyrǵan vedomstvo aqparatyn.