15 eldiń delegatsııasy Otan qorǵaýshylar alańyndaǵy Máńgilik alaýǵa gúl shoqtaryn qoıdy
«Burynǵy KSRO quramyndaǵy barlyq elderdiń halqy fashıstik basqynshylyqtan Eýropa men búkil álemdi azat etti. Sondyqtan Astanada ótetin «Birlikpen jetken Uly Jeńis: maıdan erligi tyl beriktigi» atty halyqaralyq jeńimpazdar forýmyna qatysý úshin arnaıy 15 elden kelgen delegatsııa ókilderi Máńgilik alaýǵa gúl shoqtaryn qoıyp otyr. Jalpy delegatsııalar quramynda 250 adam bar. Olar shara bastalmas buryn úsh aı buryn iriktelgen edi», - dedi Máńgilik alaýǵa gúl shoqtaryn qoıý rásiminde qazaqstandyq-reseılik eksperttik IQ-klýbynyń redaktory Olga Kazantseva.
Aıta keteıik, shara «Birlikpen jetken Uly Jeńis: maıdan erligi tyl beriktigi» atty halyqaralyq jeńimpazdar forýmy aıasynda uıymdastyrylyp otyr. Forýmdy ótkizýdegi maqsat - Ekinshi dúnıejúzilik soǵysyny burynǵy Keńes odaǵy halyqtaryn biriktirgen mańyzdy tarıhı oqıǵa retinde este saqtaý, burynǵy KSRO-nyń barlyq halyq ókilderiniń Uly Jeńiske qosqan róli men úlesin ózektendire otyryp kórsetý.
Jalpy forým 2010 jyldan beri ótkizilip kele jatyr. Buǵan deıin bul shara Reseıdiń Týapse, Vladıkavkaz, Volgogorad, Kýrsk, Máskeý jáne 2016 jyly Mınsk qalasynda ótkizilgen bolatyn. Al bıyl forýmdy ótkizetin oryn retinde Astananyń tańdap alynýy Qazaqstan halqynyń Ekinshi dúnıejúzilik soǵys maıdanynda shaıqasyp, Uly Jeńiske qosqan úlesimen, sonymen birge elimizdiń óz aýmaǵynda qonys aýdarylǵan halyqty, óndiris oshaqtaryn, mádenı jáne oqý oryndaryn qabyldaýymen ushtastyrylyp otyr.