15 aqpanda balalarǵa oq atylady — Qostanaıda on jasar oqýshy búkil qalanyń záresin aldy

<p>QOSTANAI. KAZINFORM — Áleýmettik jelide mektepterdiń birinde terakt daıyndalyp jatyr degen aqparat tarady. Polıtsııa qylmystyq is qozǵady.</p>

Polıtsııa qyzmetkerleri jalǵan aqparat taratýshy anyqtalǵanyn habarlady. Ol 10 jasar bala bolyp shyqty.

Ol áleýmettik jeliden terrorızm taqyrybyna arnalǵan aqparat kórip, mátinin kóshirip, fotosýretin óńdep, WhatsApp messendjeri arqyly synyptastaryna jibergen.

Atalǵan fakti boıynsha qylmystyq is qozǵaldy.

Barlyq qajetti tergeý amaldary júrgizilýde. Oqýshynyń ata-anasy Qazaqstan zańnamasyna sáıkes jaýap beredi. 

Polıtseıler jalǵan terrorızm týraly kórineý jalǵan habarlama jáne shyndyqqa saı kelmeıtin aqparat taratqany úshin qylmystyq jaýapkershilik qarastyrylǵanyn eske saldy.

Tártip saqshylary tek resmı aqparatqa senýdi suraıdy.

Jýyrda Aqtóbe men Pavlodarda áldebireýler mektepke baryp, oqýshylarǵa oq jaýdyramyz dep qorqytqan edi. 

Keshe Qaraǵandyda dál osyndaı jalǵan habar úshin 13 jasar bala ustaldy.