15 adamdy órtten qutqarǵan áskerı qyzmetshi marapattaldy

ASTANA. QazAqparat - QR Qorǵanys mınıstrligi órtke oranǵan úıden 15 adamdy qutqarǵan «Shyǵys» óńirlik qolbasshylyǵynyń áskerı qyzmetshisi efreıtor Qýandyq Qanatovty marapattady, dep habarlaıdy QazAqparat mınıstrliktiń baspasóz qyzmetine silteme jasap.

Qorǵanys mınıstriniń orynbasary, general-maıor Músilim Altynbaev áskerı qyzmetshige erligi men batyldyǵy úshin mınıstrlik atynan alǵys bildirdi.

Qýandyqtyń áreketi - ár azamat úshin zor úlgi. Tek qyzmettik boryshty oryndaý kezinde ǵana emes, ómirdegi kez kelgen qıyn-qystaý sátte erlik tanytýǵa da bolady.

Eske sala keteıik, 2019 jylǵy 15 aqpan kúni Qýandyq Qanatov túngi saǵat 2-de janyp jatqan úıdiń turǵyndaryn evakýatsııalaýǵa qatysady. Ol qyzmeti barysynda órt qaýipsizdigi boıynsha alǵan biliktiliginiń arqasynda órt sóndirýge jáne órtke oranǵan ǵımarattan 15 adamdy alyp shyǵýǵa kómektesken. Ǵımarattan, jalpy 79 adam, sonyń ishinde 20 bala evakýatsııalaǵan.