147 qazaqstandyqtyń atyna 20-dan astam baspana tirkelgen – Lázzat Ibragımova

ASTANA. QazAqparat – Qazaqstanda 5,6 mln adamnyń bir basynda bir páterden bar. «Otbasy bank» aktsıonerlik qoǵamynyń basqarma tóraǵasy Lázzat Ibragımova Strategııalyq bastamalar formýynda osyndaı málimet keltirdi, dep habarlaıdy QazAqparat tilshisi.

«Azamattarǵa arnalǵan úkimet» kommertsııalyq emes aktsıonerlik qoǵamynyń derekteri boıynsha, 2021 jyldyń aıaǵynda 6,3 mln adamnyń menshiginde úı bar. 19 mln halyq bar desek, sonyń ishinde 6,3 mln degen jaman statıstıka emes. Eger bizde 10 mıllıonǵa jýyq ekonomıkalyq belsendi halyq bar desek, 60 paıyzynyń menshiginde úı bar bolyp shyǵady. Bul táýelsizdiktiń 30 jyldyǵyndaǵy jaqsy kórsetkish. Eger qurylymyna zer salsaq, 5,6 mln adamnyń bir basynda jalǵyz baspana bar. Jýrnalıster menen «Otbasy bank» tóraǵasy retinde «Bir basynda ekiden kóp páter bar neshe adam bar?» dep ylǵı suraıdy. Qazaqstanda ondaı 717 myń adam bar. Bulardy orta sanatqa erkin kirgizýge bolatyn shyǵar» -dedi» Otbasy bank» basshysy.

Sondaı-aq, bir basynda ekiden artyq baspanasy bar adamdardyń qurylymyna taldaý jasaldy.

«ıAǵnı, ekiden kóp páteri bar. Onyń ishinde 607 myń adamnyń basynda eki páter, 84 394 adamnyń atynda 3 jyljymaıtyn múlik tirkelgen. 16 509 adamnyń atynda 4 jyljymaıtyn múlik nysany tirkelgen. Bir basynda 5 nysany barlardyń sany áldeqaıda az – 4 823. 1 935 adamda 6 páterden bar. 742 adamda 7 páterden bar. Osylaısha páter sany kóbeıgen saıyn adam sany azaıa túsedi. Biraq shamamen 147 adam bar, olardyń atyna 20-dan astam baspana tirkelgen», - dedi Lázzat Ibragımova.