142 myńǵa jýyq qazaqstandyq «7-20-25» baǵdarlamasymen úı alýǵa ótinim bergen
06:16, 30 Sáýir 2022
NUR-SULTAN. QazAqparat – «7-20-25» turǵyn úı baǵdarlamasy boıynsha qazaqstandyqtar 142 myńǵa jýyq ótinim joldady. Bul týraly QR Ulttyq bankinen málim etti, dep habarlaıdy QazAqparat.
«Bıylǵy 28 sáýirdegi jaǵdaı boıynsha, «7-20-25» baǵdarlamasyn iske asyrý aıasynda 1,8 trln teńge nesıe alýǵa 141 769 ótinim qabyldandy. Onyń ishinde 819 mlrd teńgege 62 852 ótinim maquldandy» - delingen habarlamada.
Atalǵan turǵyn úı baǵdarlamasy boıynsha «Qazaqstannyń ornyqtylyq qory» AQ-nyń +7 (727) 227-20-25 nómirine táýlik boıy habarlasýǵa bolady. Sonymen qatar ıpotekalyq uıymnyń resmı ınternet-resýrsynda qosymsha aqparat ornalastyrylǵan.