1414 Call-ortalyǵyna jasandy ıntellekt elementteri engiziledi
«Halyq únine qulaq asatyn memleket» tujyrymdamasy aıasynda qyzmet kórsetý protsesteri qoǵam ókilderimen birge talqylanyp jatyr. Mysaly, olarmen birge turǵylyqty jerdi aýystyrǵan kezde áskerı esep jónindegi áskerı komıssarıatqa barý qajettiligin alyp tastaý sheshildi. Buryn bul talapty buzǵan kezde aıyppul da salynatyn», - dedi ol.
Mınıstr jyljymaıtyn múlikti ıpotekaǵa satyp alǵan kezde kepildi tirkeý qajettigine qatysty da problemanyń sheshilgenin aıtady.
«Búgin sol úshin adamdar bankten qujattardy alyp, sodan keıin Halyqqa qyzmet kórsetý ortalyǵyna jetkizedi. Úsh kún ótken soń HQKO-dan qujattardy alyp, qaıtadan bankke aparǵannan keıin ıpoteka beriledi. Bul bıýrokratııany sheshý úshin mysal retinde blokcheın tehnologııasyn qoldanyp, Forte bankpen birlesip, osy qıyn protsesti avtomattandyrdyq», - dedi Baǵdat Mýsın.
Sonymen qatar, ol 1414 Call-ortalyǵyna úlken júkteme kezinde halyqtyń narazylyǵyn týǵyzǵanyn atap ótti.
«Biz sapaly keńes berý úshin HQKO-lardyń 2 myń operatoryn osy jumysqa jumyldyrdyq. Baılanysty kútý ýaqytyn azaıtý úshin jasandy ıntellekt elementteri arqyly jıi kezdesetin suraqtarǵa jaýap berý algorıtmin engizemiz», - dedi ol.
Baǵdat Mýsın daıyn qujattardy HQKO qyzmetkerleriniń jetkizip berý qyzmeti de qolǵa alynatyndyǵyn aıtady.
«Bankterdegi jeke menedjerlerge uqsas HQKO-lardan da jeke operatordy keńsege shaqyryp, qyzmet alýǵa bolatyn tetikti iske qosamyz. Aýyldarǵa ınternet jetkizý jobasy aıasynda operatorlarmen kelisip, 1200 aýylda ınternetke qoljetimdilikti qamtamasyz etetin arnaıy dúńgirshekter ornatamyz. Olar arqyly aýdan ákimine, HQKO-larǵa densaýlyq saqtaý mekemelerine vıdeobaılanys arqyly júginýge bolady», - dedi mınıstr.