14 jastaǵy pavlodarlyq nail-ındýstrııada álem chempıony atandy

EKІBASTUZ. QazAqparat – Pavlodar oblysynyń Ekibastuz qalasynda turatyn jasóspirim nail-ındýstrııada álem chempıony atandy, dep habarlaıdy QazAqparat Pavlodarnews.kz saıtyna silteme jasap.

Arýlat Mýhametqalı Instagram-akkaýntynda qýanyshty jańalyǵymen bólisti. Tyrnaq árleý servısiniń 14 jastaǵy sheberi qoldaý bildirgen ata-anasyna, tálimgerine jáne oblys ákimdigine alǵys aıtty.

«Súıinshi! Dostar, quttyqtap qoısańyzdar bolady, óz kategorııamda nail-ındýstrııasynyń Álem chempıony atandym. Qýanyshtymyn, uıqysyz túnder bekerge ketpedi... Árbir chempıonat ózimdi shyńdaýǵa jáne alǵa umtylýǵa múmkindik beredi», - dep jazdy jasóspirim.

Oblys ákimi Ábilqaıyr Sqaqov nail-stılısti jeńisimen quttyqtap, jańa belesterdi baǵyndyrýdy, jańa maqsattar men jeńisti kúnder tiledi.

Eske salaıyq, Arýlat Mýhametqalı – «Ertis daryny-2021» jastar syılyǵynyń ıegeri.