14 jastaǵy aqtóbelik oqýshy qaıǵyly oqıǵalarǵa arnalǵan óleń shyǵardy

AQTÓBE. QazAqparat - 14 jastaǵy aqtóbelik oqýshy Saltanat Quttybaeva Aqtóbedegi oryn alǵan qaıǵyly oqıǵalarǵa arnap óleń shyǵardy. Qyzdyń týyndysy áleýmettik jelilerde jarııalandy.

Qansha adam qan jutyp júr bul qaıǵydan?

Ne bolyp bara jatyr osy zaman?
Qansha pende ketti eken o dúnıege?
Jazyqsyzdan jazyqsyz jan tapsyrǵan.

Qansha adam ketti eken jaýyzdardyń qolynan?
Qansha qan tógilipti quryp ketkir qarýdan.
Jazyqsyzdar jan tapsyrsa o dúnıege, 
Al jaýyzdar qydyryp júr tatý-tátti ómirde.

Qaıdan ǵana paıda boldy osy adamdar?
Qudaıdan qoryqpaıtyn kúnáhárlar.
Solardy adam deýge barmaıdy aýzym,
Bar báleni ákeletin sol jaýyzdar.

Bireýdin balasy ǵoı baýyr eti,
Bireýdiń jany súıgen jary edi.
Mine endi kóre almaımyz sol jandardy ómirde,
Esesine kóremiz biz jaýyzdardy kóshede.

Aqtóbemiz jarqyraıdy dep júrgende,
Qırap ketti aıdaı sulý kósheler de.
Qazaq eli árqashan da jaınaı bersin.
Álgi jaýyzdar bul dúnıeden quryp ketsin!