ASTANA. KAZINFORM — Dýbaı qalasynda jasóspirimder arasynda tennısten Ten-Pro Global Junior Tour týrnıri máresine jetti.
Qazaqstan tennıs federatsııasynyń baspasóz qyzmetinen málim etkenindeı, atalǵan jarysqa AQSh, Japonııa, Frantsııa jáne basqa elderden 42 jas sportshy qatysty.
Fınalda 14 jastaǵy qazaqstandyq, Almaty tennıs mektebiniń túlegi Matveı Ponomarev Mysyr ókili Mohammed Basardy 6:0, 6:2 esebimen oısyrata utty.
Osylaısha, M.Ponomarev doda chempıony atandy.
Matveıdiń basty maqsaty — álemdik ITF Juniors reıtıngisinde TOP-100-ge ený. Sol jolda sheberligin shyńdap, jarystarǵa qatysyp, reıtıngilik upaı qoryn tolyqtyra bermek.
Eske sala keteıik, budan buryn Aýstralııa ashyq chempıonatynda ıÝlııa Pýtıntsevanyń sensatsııa jasap, jeńiske jetkenin jazǵan edik.
Sondaı-aq Zańǵar Nurlanuly qazaqstandyqtardan alǵash ret Aýstralııadaǵy týrnırdiń shırek fınalyna shyqty.
Aleksandr Býblık Aýstralııa ashyq chempıonatyn jeńispen bastady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).