Birneshe óńirden 14 jalǵan polıtseı ustaldy - ІІM

<p>ASTANA. KAZINFORM&nbsp;&mdash; Jyl basynan beri uıymdasqan qylmysqa qarsy kúres bólinisteriniń qyzmetkerleri 14 kúdiktini ustady. Olar ózderin polıtsııa qyzmetkerleri retinde kórsetip, azamattardan aqsha bopsalap, alaıaqtyqpen jáne qylmystyq &laquo;qamqorlyq kórsetýmen&raquo; aınalysqan, dep habarlaıdy <a href="https://polisia.kz/iim-zhalghan-politsejler-ustaldy/" target="_blank" rel="noopener">Polisia.kz.</a></p>

Qarasha aıynda Shymkentte bir top adam polıtsııa qyzmetkerleriniń keıpine enip, «qamqorlyǵy» úshin aı saıyn 1,5 mln teńge alyp otyrǵan. Dál sol sııaqty Aqtóbede eki jas jigit qalanyń eki turǵynyna zorlyq-zombylyq kórsetip, 300 myń teńge alǵan. Qonaevta uıymdasqan qylmysqa qarsy kúres basqarmasynyń qyzmetkerleri Almaty oblysynyń eki turǵynyn ustady. Olar ózderin jedel ýákil retinde kórsetip, jábirlenýshiden 500 myń teńge bopsalaǵan. Jalǵan qyzmettik kýálikter, qujattar jáne nysandy kıim tárkilendi. Kúdiktiler qamaýǵa alyndy.

«Zamanaýı tehnologııalar alaıaqtarǵa yqtımal qurbandar týraly ártúrli aqparatty ońaı alýǵa múmkindik beredi. Bul olardyń qylmystyq shemalaryn senimdi etedi. Qylmyskerler adamdardy manıpýlıatsııalaý úshin psıhologııalyq ádisterdi qoldanady. Jalǵan polıtsııa qyzmetkerlerin ustaý — qaýipsizdik máselesi ǵana emes, azamattardyń quqyqtaryn qorǵaýdyń mańyzdy bóligi. Azamattardyń qyraǵylyǵy mundaı qylmystardyń sanyn edáýir tómendetýi múmkin. ІІM kez kelgen zańsyz áreketter týraly polıtsııaǵa dereý habarlaýdy suraıdy. Bul baǵyttaǵy profılaktıkalyq jumystar jalǵasyp jatyr», — dedi ІІM uıymdasqan qylmysqa qarsy kúres departamentiniń ókili Qýandyq Alpys.