14 mamyr. Jylnama
ESTE QALAR OQIǴALAR
1869 jyly Aqtóbe qalasynyń irgetasy qalandy. 1869 jyldyń 28 mamyrynda (eskishe qazaq kúntizbesi) bastalǵan. Bul kúni «Aq tóbe» dep atalǵan áskerı bekinistiń negizi qalanǵan.
1999 jyldyń naýryzynda óziniń «Aqtóbe» degen tarıhı ataýyna ıe bolǵan qala sovettik kezeńde Aktıýbınsk dep ataldy.
2009 jyly Kıev qalalyq keńesiniń 2008 jylǵy 18 jeltoqsandaǵy sheshimimen Kıevtegi Shevchenko aýdanynyń Kýzmınskaıa kóshesine qazaq poezııasynyń alyby Jambyl Jabaevtyń esimi berildi. 2009 jylǵy 8 mamyrda osy kóshede Jambyl Jabaevtyń memorıaldyq taqtasy saltanatpen ashyldy.
2013 jyly Jenevada «Aqparattyq qoǵam» máseleleri jónindegi Búkilálemdik kezdesý forýmy sheńberinde ótkizilgen WSISProjectPrizes 2013 halyqaralyq konkýrsynyń nátıjesi jarııalandy. Qazaqstannyń elektrondyq lıtsenzııalaý júıesi (www.elicense.kz) «E-Business» sanatyndaǵy eń úzdik joba atandy. Konkýrsqa barlyǵy 64 elden 280-ten astam joba qatysty.
2014 jyly Astana qalasyndaǵy Ulttyq mýzeı jańa qundy eksponattarmen tolyqty.
HVII ǵasyrdaǵy Han týynyń elementi, Tóle bıdiń qalpyna keltirilgen shapany jáne murajaıǵa Eýrazııa órkenıetiniń kózi retinde Botaı mádenıetiniń sensatsııalyq arheologııalyq qazynalary syıǵa tartyldy. Murajaıdyń sońǵy eksponattaryn belgili qazaqstandyq arheolog Vıktor Zaıbert berdi.
2015 jyly Shveıtsarııadaǵy Frank Muller manýfaktýrasy Qazaqstan gerbi beınelengen saǵat shyǵardy.
2016 jyly Kelnde eýropalyq qazaqtar qaýymdastyǵy men Qazaqstan Respýblıkasynyń Germanııa Federatıvtik Respýblıkasyndaǵy Elshiliginiń qoldaýymen Eýropa qazaqtarynyń dástúrli kishi quryltaıy ótti.
Onda Germanııa, Ulybrıtanııa, Frantsııa, Vengrııa, Avstrııa, Shveıtsarııa, Shvetsııa, Danııa, Norvegııa, Nıderland, Túrkııa, sondaı-aq AQSh-tan kelgen eki myńǵa jýyq etnıkalyq dıaspora ókilderi jınaldy.
2018 jyly Reseı, Qazaqstan, Germanııa, Polsha jáne Qytaıdyń birlesken kınotýyndysy - «Aıka» fılmi 71-shi halyqaralyq Kann kınofestıvaliniń negizgi konkýrstyq baǵdalamasyna endi.
Bul fılmde basty róldi Kann kınofestıvaliniń «Úzdik aktrısa» atalymynyń jeńimpazy Samal Eslıamova somdady.
2019 jyly Jambyl oblysyndaǵy taýlarda jazýshy Sherhan Murtaza atyndaǵy shyń paıda boldy. Merki shatqalynda alpınızmnen oblystyq ashyq taý festıvali ótkizilgen bolatyn.
Osy ýaqytqa deıin shyń ataýsyz kelgen edi, ony Qazaqstannyń halyq jazýshysy Sherhan Murtazanyń qurmetine atady.
2023 jyly Qazaqstan quramasy úshin bokstan álem birinshiligi aıaqtaldy. Qazaqstandyq Nurbek Oralbaı tórtinshi medal jeńip alyp, 80 keli salmaqta álemniń úzdik boksshysy atandy. 80 keli salmaq dárejesinde ótken jekpe-jekte Nurbek Oralbaı Qytaıdan kelgen etnıkalyq qazaq Toqtarbek Tańatqandy jeńip, bokstan jańa álem chempıony atandy.