14 qańtar. Tulǵalar týǵan kún
ESІMDER
60 jyl buryn (1964) Shymkent qalalyq sotynyń tóraǵasy Erbol Muhajanuly RAHYMBEKOV dúnıege keldi.
Ol 1989 jyly Qaraǵandy memlekettik ýnıversıtetin támamdap, zańger mamandyǵyna ıe bolǵan. Sot júıesinde 1991 jyldan bastap halyqtyq sýdıanyń mindetin atqarýshy, halyqtyq sýdıa, sýdıa bolyp qyzmet atqardy.
1996-2000 jyldary Qaraǵandy oblysynyń Nura aýdandyq sotynyń tóraǵasy, 2000-2010 jyldary Qaraǵandy oblysynyń Oktıabr aýdandyq sotynyń quramyndaǵy Kırov sot ýchaskesiniń aǵa sýdıasy, Oktıabr aýdanynyń № 3 aýdandyq sotynyń sýdıasy, Oktıabr aýdanynyń № 3 aýdandyq sotynyń tóraǵasy, Temirtaý qalalyq sotynyń tóraǵasy, Qaraǵandy qalasynyń Qazybek bı aýdandyq sotynyń tóraǵasy laýazymdarynda qyzmet etti. 2010-2012 jyldary Soltústik Qazaqstan oblystyq sotynyń apellıatsııalyq sot alqasynyń tóraǵasy, 2012-2014 jyldary Qylmystyq ister jónindegi apellıatsııalyq sot alqasynyń tóraǵasy, 2014-2015 jyldary Astana qalasynyń qylmystyq ister jónindegi mamandandyrylǵan aýdanaralyq sotynyń tóraǵasy, 2015-2016 jyldary Qazaqstan Respýblıkasy Joǵarǵy sotynyń sýdıasy, 2016-2018 jyldary QR Joǵarǵy Sotynyń BAQ-pen yntymaqtastyq jónindegi úılestirýshi sýdıasy boldy.
Qazirgi qyzmetin 2018 jylǵy qazan aıynan atqaryp keledi.
47 jyl buryn (1977) Qazaqstan Respýblıkasy Prezıdenti janyndaǵy Ulttyq quryltaıdyń múshesi, saıasattanýshy Marat Maqsumuly ShIBUTOV dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetiniń geografııa fakýltetin bitirgen.
Eńbek joly: 2001-2004 jyldary «Qazekologııa» respýblıkalyq ǵylymı-óndiristik jáne aqparattyq ortalyǵy» JShS ekologııalyq jobalardy ázirleý jónindegi joba menedjeri, 2004-2012 jyldary «Qazaq qoldanbaly ekologııa agenttigi» JShS jobalardyń bas menedjeri bolǵan.
2012 jyldan bastap «Áskerı-strategııalyq zertteýler ortalyǵy» AQ jetekshi sarapshysy, 2019 jyldan bastap Qazaqstan Respýblıkasy Prezıdenti janyndaǵy Ulttyq qoǵamdyq senim keńesiniń múshesi.
Qazirgi qyzmetin 2022 jylǵy maýsym aıynan atqaryp keledi.
53 jyl buryn (1971) «Ulttyq agrarlyq ǵylymı-bilim berý ortalyǵy» KeAQ basqarma tóraǵasy Baýyrjan Qazybekuly QASENOV dúnıege keldi.
Aqmola aýyl sharýashylyǵy ınstıtýtyn, agronom mamandyǵy boıynsha, Tomsk memlekettik ýnıversıtetin ekonomıst-menedjer mamandyǵy boıynsha bitirgen.
Eńbek joly: 1994-1996 jyldary K.Marks atyndaǵy sovhoz jumysshysy; «Novo-Troıtskıı» keńsharynyń agronom-tuqymshysy, Aqtoǵaı aýdany asyl tuqymdy sovhozynyń bas agronomy, 1997-1999 jyldary «Agronomııa» KMK basqarma tóraǵasy, 1999-2008 jyldary «Astyq» JShS dırektory, 2008-2015 jyldary Aýyl sharýashylyǵy basqarmasynyń bastyǵy, 2015-2016 jyldary «QazAgro» Ulttyq basqarýshy holdıngi» AQ basqarma tóraǵasynyń keńesshisi, 2016-2018 jyldary Pavlodar oblysy ákiminiń aýyl sharýashylyǵy jónindegi orynbasary, 2018-2023 jyldary Qazaqstan Respýblıkasy Prezıdenti Ákimshiliginiń memlekettik ınspektory boldy.
2023 jyldan qazirgi qyzmetin atqaryp keledi.
42 jyl buryn (1982) Túrkistan oblysy ákiminiń orynbasary Beısenbaı Dáýletuly TÁJІBAEV dúnıege keldi.
Ońtústik Qazaqstan (qazirgi Túrkistan) oblysynda týǵan. Joǵarǵy bilimdi. Ońtústik Qazaqstan gýmanıtarlyq akademııasyn jýrnalıstıka mamandyǵy boıynsha bitirgen (2004); M.Áýezov atyndaǵy Ońtústik Qazaqstan memlekettik ýnıversıteti, quqyqtaný (2014).
Eńbek joly: 2002-2005 jyldary «Shymkent kelbeti», «Shymkent panoramasy» gazetteriniń jýrnalısi, 2005-2006 jyldary «Shymkent kelbeti», «Shymkent panoramasy» gazetteriniń redaktorlyq meńgerýshisi, 2006-2007 jyldary «Qazaqstan respýblıkalyq teleradıokorporatsııasy» AQ Ońtústik Qazaqstan oblystyq fılıalynyń redaktory, 2007-2008 jyldary Ońtústik Qazaqstan oblysy ákimi apparatynyń baspasóz qyzmetiniń basshysy, 2008-2012 jyldary «Ońtústik Qazaqstan oblystyq «Ońtústik Qazaqstan» qoǵamdyq-saıası gazetiniń redaktsııasy» memlekettik kásipornynyń dırektory – bas redaktory, 2012-2016 jyldary «Aıqyn-Lıter» JShS «Aıqyn» gazetiniń Astana qalasy boıynsha tilshiler bıýrosynyń meńgerýshisi, 2013-2016 jyldary «Elorda – Astana» jýrnaldary» JShS redaktsııasynyń bas redaktory, 2016-2017 jyldary «Shymkent» áleýmettik-kásipkerlik korporatsııasy» Ulttyq kompanııasy» AQ baspasóz hatshysy, 09.2017-12.2017 aralyǵynda Ońtústik Qazaqstan oblysy ákimi apparatynyń baspasóz hatshysynyń mindetin atqarýshy, 2017-2018 Ońtústik Qazaqstan oblysy ákimi apparatynyń baspasóz hatshysy, 02.2018-07.2018 aralyǵynda Ońtústik Qazaqstan oblysy ákimi apparatynyń baspasóz hatshysy qyzmetterin atqardy.
07.2018-08.2018 aralyǵynda Túrkistan oblysy ákimi apparatynyń baspasóz qyzmetiniń basshysy – baspasóz hatshysy, 2018-2019 jyldary Túrkistan oblysy ishki saıasat basqarmasynyń basshysy, 2019-2022 jyldary «Nur Otan» partııasy Túrkistan oblystyq fılıaly tóraǵasynyń birinshi orynbasary, 03.2022-12.2022 aralyǵy «Amanat» partııasy Túrkistan oblystyq fılıalynyń jaýapty hatshysy, Túrkistan oblystyq máslıhatyndaǵy «Amanat» partııasy fraktsııasynyń jetekshisi boldy.
Qazirgi qyzmetin 2022 jylǵy jeltoqsan aıynan atqaryp keledi.
38 jyl buryn (1986) Almaty qalasy prokýrorynyń orynbasary Jandos Narymbetuly ÁBDІBAEV dúnıege kelgen.
Almaty qalasynda týǵan. Ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha bitirgen.
Eńbek joly: 2009 jyly Almaty qalasy prokýratýrasynda túrli laýazymda eńbek etti. Almaty qalasy prokýratýrasynyń jedel-izdestirý, barlaý qyzmetiniń jáne jasyryn tergeý áreketteriniń zańdylyǵyn qadaǵalaý basqarmasynyń bastyǵy, Almaty qalasy prokýratýrasy apparatynyń basshysy boldy.
Qazirgi qyzmetin 2022 jylǵy tamyz aıynan atqaryp keledi. ІІdárejeli «Aıbyn» ordenimen marapattalǵan.
120 jyl buryn (1904-1973) qazaqtyń áıgili sýretshisi, qazaq beıneleý óneriniń negizin salýshylardyń biri, Qazaq KSR halyq sýretshisi, Qazaq KSR-iń eńbek sińirgen óner qaıratkeri, Sh.Ýálıhanov atyndaǵy Memlekettik syılyqtyń laýreaty Ábilhan QASTEEV dúnıege keldi.
Almaty oblysynyń Panfılov aýdanynda týǵan. Almaty qalasynda jáne Máskeý qalasynda kórkemsýret stýdııasynda oqydy.
1954-1956 jyldary Qazaq KSR Sýretshiler odaǵy basqarmasynyń tóraǵasy qyzmetin atqardy. Onyń alǵashqy kórmege qoıylǵan týyndylary - «Tigin ústinde», «Mektepke», «Avtoportret», «Kógildir kóılekti qyz», «Qaryndasymnyń portreti». Sýretshiniń «Ǵ.Muratbaev», «Abaı», «J.Jabaev», «A.Imanov», «K.Ázirbaev» sııaqty portrettik týyndylary joǵary tanym-talǵamnyń úlgisi. Tarıhı taqyryptaǵy «Túrksib», «Amangeldi sarbazdary», «Kolhoz toıy», «Qalyńdyq», t.b. kórkem týyndylarynan Qasteev qalamyna tán qasıet - epıkalyq aýqymdylyq, ulttyq boıaýdyń aıqyndyǵy kórinedi.
Sýretshi halqymyzdyń turmys-tirshiligin dál beınelep, ulttyq dúnıetanym aıasynda tyń kompozıtsııalyq sheshim taba bildi.
Onyń «Kıiz úıdiń ishki kórinisi», «Qyz Jibek», «Qyz uzatý», «Qos qurby», «Kelin túsirý» taǵy basqa shyǵarmalary ulttyq qazynamyzǵa aınaldy.
Sýretker Qasteev qazaq halqynyń salt-dástúriniń ozyǵy men tozyǵyn ajyratyp, kertartpa kemshilikterdi ashyna beıneledi. Mysaly, «Kedeı men baı qudyq basynda», «Qurǵaqshylyq kezinde moldanyń jylý jınaýy», «Qyz alyp qashý» shyǵarmalary osynyń dáleli. Onyń ultyna, týǵan jerge, otanyna súıispenshiligi shyǵarmalarynda shynaıy kórinis tapty.
Qylqalam sheberi sýret órnekteriniń syrly boıaýyn, utymdy qoldanyp, beıneleý ónerinde mádenıet tarıhynyń, respýblıkalyq qoǵamdyq ómirdiń jylnamasyn jasady. Abaı men Qasteev arasyndaǵy názik baılanys dúnıeni estetıkalyq-kórkemdik turǵydan tanýdyń, óner ózektestiginiń, rýhanı sabaqtastyqtyń kórinisi. Abaı tulǵasy Qasteevtiń súıikti keıipkeri boldy.
Ol Abaıdyń kelbetin ár qyrynan somdady. Sýretshiniń qylqalamynan týyndaǵan «Abaı kıiz úı aldynda», «Jas Abaı», «Abaı jaz jaılaýda» jáne «Búrkitshi», «Qys», «Jaz», «Kóktem» atty shyǵarmalary osyǵan dálel.
Shymkent qalasyndaǵy óner ýchılışesi, Qazaqstan Respýblıkasy Memlekettik óner murajaıy Qasteevtiń atymen atalady.
«Qazan tóńkerisi», 2 márte «Eńbek Qyzyl Tý», «Qurmet belgisi» ordenderimen marapattalǵan.