133 mln teńge shyǵyn keltirgen - Pavlodar oblysynda basqarma basshysy men JShS dırektory sottaldy

<p>ASTANA. KAZINFORM - Qarjy monıtorıngi agenttigi &laquo;Qamqor&raquo; jedel aldyn alý shara aıasynda múmkindigi shekteýli jandarǵa jetkizilgen ónimderdiń qunyn negizsiz asyra baǵalaý faktilerin anyqtady.</p>

«Pavlodar oblysynyń jumyspen qamtýdy úılestirý jáne áleýmettik baǵdarlamalar basqarmasy» MM basshysynyń orynbasary jáne «Art-Class» JShS atqarýshy dırektoryna qatysty bıýdjet qarajatyn urlaý deregi boıynsha sotqa deıingi tergeý bastaldy.

Basqarma memlekettik satyp alý negizinde «Art-Class» JShS jáne «Aıým ı D» JShS-men múgedekterge noýtbýk, uıaly telefondardy zaǵıp jáne sańyraý adamdarǵa arnalǵan baǵdarmalyq qamtamasyz etýge birqatar sharttar jasaǵany anyqtaldy, jalpy somasy 476 mln teńgeden asady.

Jetkizýshige tehnıkalyq sıpattamalarǵa sáıkes kelmeıtin arzan analogtardy satyp alý saldarynan jalpy somasy 133 mln teńge kóleminde zalal kelgen.

Sarapshylardyń qorytyndysy boıynsha qosalqy tehnıkalyq quraldardyń sıpattamalary konkýrstyq qujattamanyń tehnıkalyq sharttarynda kórsetilgen sıpattamalarǵa sáıkes kelmedi.

Sonymen qatar, jetkizýshige qatysty banktegi shotqa aıyrbastaý jolmen alynǵan qarajatty zańdastyrý jáne kásipkerlik qyzmetpen aınalysyp, 25 mln teńgeden astam paıda tabý faktileri boıynsha sotqa deıingi tergeý bastaldy.

Sot úkimimen Jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary kináli dep tanylyp, oǵan 9 jylǵa bas bostandyǵynan aıyrý jazasy taǵaıydaldy, al taýar jetkizýshi kináli dep tanylyp, oǵan 7,5 jylǵa bas bostandyǵynan aıyrý jazasy taǵaıyndaldy.

Tehnıkany jetkizýshiden memleket paıdasyna 133 mln teńgege jýyq somasynda azamattyq talap tolyǵymen qanaǵattandyryldy.