Mereke qarsańynda 160-tan astam memlekettik qyzmetshi Qazaqstan Konstıtýtsııasy men zańdaryn saqtaýǵa, halyqqa adal ári kásibı qyzmet etýge saltanatty jaǵdaıda ant berdi. Ant qabyldaǵandardyń 137-si memlekettik qyzmette eńbek jolyn jańadan bastaǵan 30 jasqa deıingi jas mamandar.
Ant berý rásimderi Memlekettik qyzmet isteri agenttiginiń bastamasymen uıymdastyryldy.
Memlekettik qyzmet týraly zańnamaǵa sáıkes memlekettik qyzmetshiniń negizgi mindetteriniń biri - Ant berý.
Atap ótý kerek, bıylǵy 1 shildedegi jaǵdaı boıynsha memlekettik qyzmette 30 jasqa deıingi 15 myńnan astam azamat eńbek etedi, onyń ishinde 1300-den astamy basshylyq laýazymdarda qyzmet atqarady.