13 jylqyny qazaq-qyrǵyz shekarasynan zańsyz ótkizbek boldy

ASTANA. QazAqparat - Qazaqstan men Qyrǵyzstan arasynda ornalasqan Taraz shekara otrıadyna qarasty «Granıtogorsk» beketiniń shekarashylary 13 jylqyny zańsyz jolmen ótkizbek bolǵandardy ustady, dep habarlaıdy QazAqparat QR UQK Shekara qyzmetine silteme jasap.

Atap aıtqanda, «Granıtogorsk» beketiniń shekarashylary áýeli 11 bas jylqyny jetektep, Qasqasý saıynyń ishimen kele jatqan salt attyny baıqaıdy. Baǵyty osy mańaıdaǵy Qyzylsaı aýyly sekildi. Shekarashylar mal aıdap bara jatqan azamatqa qaraı burylǵanda ol jylqylaryn tastaı salyp, kórshiles eldiń aýmaǵyna qasha jónelgen.

Shekarashylar bul mańaıda taǵy da qosymsha jylqylardyń bolýy múmkin degen boljammen osy saıdy da sholyp ótip, boljamdary durys shyqty. Qosymsha sholý barysynda atalǵan saı ishinen taǵy da eki jylqy tabyldy.

Atalǵan derek boıynsha ózara árekettes quqyq qorǵaý organdary habarlandyryldy. Jylqylar «Merki» komendatýrasyna ótkizildi.