13 myń petropavldyq úı kezeginde tur

PETROPAVL. QazAqparat -  Petropavlda «Nurly jer» memlekettik baǵdarlamasy boıynsha bıyl 11 kóp páterli úıdi paıdalanýǵa berý josparlanýda, dep habarlady «QazAqparat» HAA tilshisi.

Onyń jalpy alańy 83,3 myń sharshy metr. Úıdi salýǵa 4,5 mıllıard teńgeden astam qarajat bólindi. Úsh úı belgilengen merziminen buryn turǵyzyldy.

Árqaısysy 100 páterlik tórt úı 19-shy shaǵynaýdanynda salynyp jatyr. Qurylysqa 2 mıllıard teńgege jýyq bólindi. Ár úıdegi turǵyn alańy  - 8,4 myń sharshy metr. Eki úı qazanda, taǵy ekeýi - jeltoqsanda paıdalanýǵa engiziledi.

 «Petropavlda turǵyn úı alýǵa kezekte 13 myń adam tur. Búgin «Nur Otan» partııasynyń oblystyq fılıaly janyndaǵy komıssııa merdigerlermen kezdesti, problemalyq máselelerdi anyqtady. Olardyń bireýi - aýlany   abattandyrý. Qazir bul másele boıynsha qurylysshylar men tapsyrys berýshiler arasynda kelisim  joq. Máseleni talqylaý úshin qyrkúıekte kezdesemiz», - dedi qalalyq máslıhat depýtaty Keńes Muqyshev.

Qazir obektilerde kirpish qalaý, sylaq, ishki árleý jumystary  júrip jatyr. Úılerge kommýnıkatsııalar jalǵanǵan.

Bıyl oblys, jergilikti bıliktiń aıtýynsha, tarıhı rekord ornatpaq. Kezekte turǵandarǵa alǵash ret myń páter beriledi.