13 mln teńge aıyppul tóleı almaǵan kókshetaýlyq eki jyl túrmede otyrady

NUR-SULTAN. QazAqparat – Para berýge ıtermelegeni úshin aıypty bolyp, 13 mıllıon teńgeden astam aıyppul tóleý jazasyna kesilgen kókshetaýlyq 2 jyl 5 aıyn túrmede ótkizedi, dep habarlaıdy QazAqparat.

QR Sybaılas jemqorlyqqa qarsy is-qımyl agenttiginiń málimetinshe, K.Áýbákirov Kókshetaý qalasy turǵynyn balasynyń merziminen buryn bosatylýyna yqpal etý úshin laýazymdy tulǵalarǵa para berýge ıtermelep, 900 myń teńge alǵan. 2019 jyly 15 aqpanda Kókshetaý qalalyq sotynyń úkimimen Áýbákirov aıypty dep tanylyp, oǵan 13 270 785 teńge aıyppul taǵaıyndalǵan.

«Bekitilgen kestege sáıkes aıyppulyn tólemegeni úshin sottyń qaýlysymen jazanyń atalǵan túri 2 jyl 5 aı jáne 15 kún merzimge bas bostandyǵynan aıyrý jazasyna aýystyryldy. Osyv jyldyń 5 qazanda sybaılas jemqorlyqqa qarsy qyzmet atalǵan sot sheshimin oryndaý maqsatynda Áýbákirovti Kókshetaý qalalyq polıtsııa basqarmasynyń ýaqytsha oqshaýlaǵyshyna qamady»,- dep atap ótedi vedomstvodan.