13 mamyr kúni elimizdiń basym bóliginde jel turady - Qazgıdromet

<p>ASTANA. KAZINFORM &ndash; &laquo;Qazgıdromet&raquo; RMK el aýmaǵynda 13 mamyrda bolatyn qaýipti meteorologııalyq qubylystarǵa boljam jasady.</p>

Sınoptıkterdiń málimetinshe, atmosferalyq frontaldy bólimder áli de QR-nyń basym bóligine áser etetin bolady, sondyqtan aýa raıynyń turaqsyz sıpaty saqtalady. Naızaǵaı oınap, jańbyr jaýady, soltústikte qatty jańbyr jaýady, eldiń soltústik-batysynda, soltústiginde, ońtústik-batysynda, ońtústik-shyǵysynda burshaq jaýady.

«Tek respýblıkanyń soltústik-shyǵysynda, shyǵysynda, ońtústiginde, ortalyǵynda jaýyn-shashynsyz aýa raıy kútiledi. Respýblıka boıynsha jel kúsheıedi, soltústik-batysta, soltústikte qatty jel, túnde jáne tańerteń shyǵysta tuman bolýy múmkin», — delingen habarlamada.

Qaraǵandy oblysynyń batysynda, ońtústiginde, Ulytaý oblysynyń ortalyǵynda, Aqtóbe oblysynyń qıyr ońtústiginde, Abaı, Qostanaı oblystarynyń ońtústiginde, Batys Qazaqstan oblysynyń batysynda, ońtústiginde, ortalyǵynda, Atyraý oblysynyń batysynda, Shyǵys Qazaqstan oblysynyń ońtústik-shyǵysynda órt qaýpi joǵary, Qyzylorda oblysynyń batysynda órt qaýpi joǵary Qyzylorda oblysynyń Qazaly aýdanynda, Túrkistan oblysynyń shóldi aýdandarynda, batysynda tótenshe órt qaýpi saqtalýda.