13 qarasha - Radıatsııalyq, hımııalyq jáne bıologııalyq qorǵanys áskerleriniń kúni
1992 jyly tamyz aıynda hımııalyq ásker radıatsııalyq, hımııalyq jáne bıologııalyq qorǵanys áskerleri bolyp ózgertildi.
RHB qorǵanys áskeri hımııalyq, radıatsııalyq jáne bıologııalyq qarýlardyń zaqymdaýshy faktorlarynan halyq pen Qarýly Kúshterdiń jeke quramyn qorǵaý syndy tapsyrmalardy sheshýge qaýqarly. Áskerı jáne beıbit kúnde olar radıatsııalyq, hımııalyq jáne bıologııalyq qaýip tóndiretin jaǵdaı saldaryn joıýǵa tartylýy múmkin.
Búgingi tańda ásker qarý-jaraǵynyń quramynda zamanaýı tehnıkalardyń biri TOS-1A «Solntsepek» aýyr oq atqysh júıesi bar. Ol jeńil quryshpen qaptalǵan tehnıkany isten shyǵarýǵa, mekeme, quraldar men ashyq alańdaǵy jáne fortıfıkatsııalyq qurylystarda qarsylastyń kúshin joıýǵa qabiletti. Sonymen qatar ásker tóńiregindegi jaǵdaı jaıyndaǵy aqparat, saraptama jáne baǵalaýdy jedel óńdeıtin, táýekel aýmaǵyn beıneleıtin jáne zaqymdalǵan aqparatty jedel óńdeý úshin RAST-2KZ esepteý-taldaý stantsııalary qoldanylady. Sondaı-aq ARS-14 KZ avto-quıý stantsııalary qarý-jaraqty, áskerı tehnıkany, kólik quraldaryn, jerlerdi gazsyzdandyrýdy, qatersizdendirýdi jáne zararsyzdandyrýdy iske asyrady.
Radıatsııalyq, hımııalyq jáne bıologııalyq qorǵanys bólimi men bólimsheleri josparly túrde jańa, tıimdiligi joǵary barlaý quraldarymen, jeke jáne ujymdyq qorǵanys, baıqaý jáne búrkemeleý tehnıkalyq quraldarymen, oqshasharlyq-órtegishtik quraldarmen jabdyqtalyp turady.
Áskerı qyzmetshilerdiń ózderi de QR Qarýly kúshteriniń oqý ortalyqtarynda júıeli túrde radıatsııalyq, hımııalyq jáne bıologııalyq qorǵanys áskerleri mamandaryna arnalǵan daıyndyq kýrstaryna ótip, Qazaqstan jáne shet eldegi túrli oqý-jattyǵýlarǵa belsendi qatysady.