13 qalada aýa sapasy nasharlaıdy

<p>ASTANA. KAZINFORM &ndash; &laquo;Qazgıdromet&raquo; RMK Qazaqstan qalalaryndaǵy aýa sapasyna qatysty boljamyn jarııalady.</p>

Sınoptıkterdiń boljamy boıynsha, 28 qarashada aýanyń lastanýynyń qolaısyz meteorologııalyq jaǵdaılary Almaty, Astana, Shymkent, Aqtóbe, Óskemen, Semeı, Rıdder, Qaraǵandy, Temirtaý, Pavlodar, Kókshetaý, Qostanaı jáne Petropavl qalalarynda kútiledi.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.