128 qazaqstandyq búgin Birikken Arab Ámirlikterinen elge oralady
Sharja – Taldyqorǵan baǵytyndaǵy avıaqatynasty elimizdiń avıakompanııalarynyń biri júzege asyrady. Oblys ortalyǵynyń əýejaıy kúsheıtilgen qaýipsizdik sharalaryn qabyldaýda. Əýe qatynasynyń qyzmetkerleri obaǵa qarsy kostıýmdermen qamtamasyz etiledi. Jolaýshylardyń barlyǵy bortta birden sanıtarlyq dərigerlerdiń tyńǵylyqty tekserýinen ótedi, olardyń dene qyzýy teplovızormen ólshenedi.
«Kelgen jolaýshylarmen neǵurlym az baılanys jasaýdy qamtamasyz etetin algorıtm daıyndaldy. Oblys əkiminiń tapsyrmasyna səıkes əýejaı qyzmetkerleriniń, sanıtarlyq dərigerlerdiń jəne osy operatsııaǵa tartylǵan basqa da azamattardyń əreketteriniń ər qadamy hattalyp, erekshe baqylanady. Elge oralǵan qazaqstandyqtar avtobýspen karantınge jatqyzylatyn orynǵa jetkiziledi. Olardyń bəri koronavırýs ınfektsııasyna analız tapsyrady. Jolaýshylardyń barlyq júgi men jeke zattary dezınfektsııa quraldarymen tazartylady. Kelgen azamattardyń karantın rejımin saqtaýyn quqyq qorǵaý organdary baqylaıdy», - dep túsindirdi oblys əkiminiń baspasóz qyzmeti.
Olar - sol jaqta turyp, jumys istegen nemese túrli jaǵdaılarǵa baılanysty sol jaqta qalyp qoıǵan Qazaqstan azamattary.
«Bul reıstiń qonýy men ony qabyldaý Respýblıkalyq shtabpen kelisilgen jəne ony oryndaý, sondaı-aq kelgen jolaýshylar men oblys turǵyndarynyń qaýipsizdigin qamtamasyz etý - bizdiń azamattyq paryzymyz» - dep qorytyndylady vedomstvodan.
Karantın ýaqyty bitkennen keıin ǵana jolaýshylar turǵylyqty jerine jóneltiledi.
foto: kursiv.kz