120-ǵa jýyq júk poıyzy ýaqytsha toqtatyldy

NUR-SULTAN. QazAqparat – El aýmaǵynda 120-ǵa jýyq júk poıyzy ýaqytsha toqtatyldy. Bul týraly «Qazaqstan temir joly» ulttyq kompanııasynyń basqarma tóraǵasynyń birinshi orynbasary Qanat Álmaǵambetov málim etti, dep habarlaıdy QazAqparat tilshisi.

«Búgin tańerteńgi málimet boıynsha 120-ǵa jýyq júk poıyzy ýaqytsha toqtatyldy. Olar negizinen batys óńirlerde. Túıisetin memleketaralyq pýnkter boıynsha poıyzdardy ótkizý shtattyq rejımde júrip jatyr. Qytaımen aradaǵy halyqaralyq túıisetin qosyndarda biz josparly rejımde jumys istep jatyrmyz», - dedi Qanat Álmaǵambetov Ortalyq kommýnıkatsııalar qyzmetinde.

Onyń aıtýynsha, júk tasymalyndaǵy problemalar ınternettiń bolmaýyna baılanysty bolyp otyr. ıAǵnı, tólem jasaý boıynsha múmkin bolmaı tur.

«Temirjolda biz tek aldyn ala tólem boıynsha jumys isteımiz. Búginde júk tıeý men tasymaldy toqtatpas úshin tıisti sheshimdi pysyqtap jatyrmyz», - dedi Q. Álmaǵambetov.

Budan buryn habarlanǵandaı, Qanat Álmaǵambetov elimizdiń aýmaǵyndaǵy poıyzdar qozǵalysyna túsinikteme berdi. QTJ jedel shtaby Kólik komıtetiniń kelisimimen 25 jolaýshy poıyzynyń qozǵalysy toqtatylyp, 13 poıyz qosyndarǵa beriledi.

Sonymen qatar, keste boıynsha júrmeı qalǵan poıyzdardyń jolaýshylaryna bılet quny tolyq qaıtarylady.