12 tamyz. Tulǵalar týǵan kún

<p>Búgin, 12 tamyz&nbsp; kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.</p>

ESІMDER

55 jyl buryn (1969) QR Indýstrııa jáne qurylys mınıstrligi Memlekettik qorǵanys tártibi komıtetiniń tóraǵasy Erjan Jıqsanǵalıuly MYRZABAEV dúnıege keldi.

Foto: primeminister.kz

Shyǵys Qazaqstan oblysynda týǵan. Armııa generaly V.Hrýlev atyndaǵy ıAroslavl joǵary áskerı qarjy ýchılışesin aıaqtady (1990): RF Úkimeti janyndaǵy Qarjy akademııasy janyndaǵy Áskerı qarjy-ekonomıkalyq fakýltetin bitirdi (1999). Eńbek joly: QR UQK Shekara qyzmeti qarjy qyzmetiniń bastyǵy, ınspektsııanyń ınspektor-revızory, departament bastyǵynyń orynbasary, bas qarjy ınspektsııasynyń bastyǵy, QR Ulttyq qaýipsizdik komıtetiniń Shekara qyzmeti dırektorynyń orynbasary boldy.

«Qazaqstan Respýblıkasynyń táýelsizdigine 10 jyl» (2001), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń Qarýly Kúshterine 10 jyl», «Qazaqstan Respýblıkasynyń Qarýly Kúshterine 20 jyl», «Qazaqstan Konstıtýtsııasyna 10 jyl», «Qazaqstan Konstıtýtsııasyna 20 jyl» (2015) medaldarymen marapattalǵan.

43 jyl buryn (1981) Qazaqstan Respýblıkasy Qarjylyq monıtorıng agenttigi tóraǵasynyń orynbasary Ulan Ermuhanuly RAISOV dúnıege keldi.

Foto: Qazaqstan Respýblıkasy Qarjylyq monıtorıng agenttigi

Almaty qalasynda týǵan. T.Rysqulov atyndaǵy Qazaq memlekettik akademııasyn, Qazaq gýmanıtarlyq-zań ýnıversıtetin bitirdi, , University of Bath, Brunel University London (Ulybrıtanııa) oqydy. Mamandyǵy: memlekettik basqarý.

Eńbek joly: 2004-2006 jj. – QR QM Qarjylyq baqylaý jáne memlekettik satyp alý komıtetiniń baqylaýshy-revızory. 2006-2013 jj. – QR Ekonomıkalyq jáne sybaılas jemqorlyqqa qarsy kúres agenttiginde basshylyq laýazymdarda boldy. 2020 jylǵy 15 qazannan 2021 jylǵy 3 aqpanǵa deıin – Qazaqstan Respýblıkasynyń Qarjy mınıstrliginiń Qarjy monıtorıngi komıtetiniń F8 basqarmasynyń basshysy.

2023 qazan aıynan bastap qazirgi qyzmetinde.

41 jyl buryn (1983) «QazMunaıGaz» UK AQ apparat basshysy Álımuhammed QUTTYMURAT-ULY dúnıege keldi.

Foto: nedra.kz

Aqtóbe oblysynyń Hromtaý qalasynda dúnıege keldi. Q.Jubanov atyndaǵy Aqtóbe memlekettik ýnıversıtetin, ekonomıst (2007); Qazaq-Orys halyqaralyq ýnıversıteti, zań bakalavry (2012); Batys Qazaqstan ınnovatsııalyq-tehnologııalyq ýnıversıteti, munaı-gaz isi (2016) bitirgen.

Eńbek jolyn kommertsııalyq qurylymdarda bastaǵan. 2012- 2016 jyldary Oral qalasy ákiminiń orynbasary, Atyraý oblysy ákimi apparatynyń jetekshisi, Atyraý oblystyq tabıǵı resýrstar jáne tabıǵat paıdalanýdy retteý basqarmasynyń basshysy boldy. 2016 jyldyń mamyrynda Mahambet aýdanynyń ákimi bolyp taǵaıyndaldy. 2017-2018 jyldary – Atyraý oblysy Jylyoı aýdanynyń ákimi. Atyraý qalasynyń ákimi (2018-2020). «Jaıyqmunaı» JShS bas dırektorynyń orynbasary (2020-2021). Mańǵystaý oblysy ákiminiń orynbasary (2021-2023).

2024 jyldyń maýsym aıynan bastap qazirgi qyzmetinde.

«Qazaqstan Respýblıkasynyń táýelsizdigine 20 jyl», «Qazaqstan Konstıtýtsııasyna 20 jyl», «Qazaqstan Respýblıkasynyń Táýelsizdigine 25 jyl» merekelik medaldarymen marapattalǵan.