12 sáýirden «Baqytty otbasy» baǵdarlamasy boıynsha ótinimder qabyldanady

NUR-SULTAN. QazAqparat - «Baqytty otbasy» baǵdarlamasy boıynsha ótinimder 12 sáýirden bastap qabyldanady. Bul týraly QazAqparat «Otbasy bankiniń» jelidegi paraqshasyna silteme jasap habarlaıdy.

Taratylǵan málimetke qaraǵanda, baǵdarlamaǵa kópbalaly otbasy, múmkindigi shekteýli bala tárbıelep otyrǵan otbasy, tolyq emes otbasy (ajyrasqan ýaqyty 3 jyldan kem bolmaýy tıis) sanattary boıynsha memlekettik páter kezegine turǵan Otbasy bankiniń salymshylary qatysa alady.

«Endi joldama alý úshin ákimshilikke barýdyń qajeti joq. Bıyldan bastap ótinimder onlaın qabyldanatyn bolady. Kelesi posttarda biz bul týraly tolyǵyraq aıtatyn bolamyz», - delingen habarlamada.
Baǵdarlamaǵa sharttary: - Nesıe mólsherlemesi jyldyq 2%; - Bastapqy jarna - 10%. «Talaptarǵa saı, jeńildetilgen zaem alý úshin ár otbasy múshesine keletin tabys mólsheri sońǵy alty aıda aı saıyn 3,1 eń tómengi kúnkóris deńgeıi, ıaǵnı, 106 336 teńgeden aspaýy qajet. ıAǵnı, buǵan deıin osy talapqa saı kelmegen otbasylar osy jyly baǵdarlamaǵa qatysyp, qonys toıyn toılaı alady», - dep atalyp ótken taratylǵan málimette.