12 óńirdegi 8 myńnan astam ýchaskede daýys berý bastaldy
«Oblystyq, respýblıkalyq mańyzy bar qalalar, elorda komıssııalary ókilderiniń málimetterine sáıkes, astana ýaqytymen saǵat 07.00-de 12 óńirdegi 8 089 ýchaskede daýys berý bastaldy. Qazaqstan Respýblıkasynyń 10 shet memlekettegi 12 ýchaskesinde de daýys berý júrip jatyr. Aýmaqtyq komıssııalar qabyldaǵan sheshimge sáıkes, Konstıtýtsııalyq zań aıasynda 36 ýchaskede daýys berý tańerteńgi altyda bastaldy», - dedi Konstantın Petrov.
Onyń aıtýynsha, saǵat beldeýleriniń shekarasyna baılanysty Aqtóbe, Atyraý, Batys Qazaqstan, Qyzylorda jáne Mańǵystaý oblystarynda daýys berý jergilikti ýaqyt boıynsha 07.00-de, ıaǵnı, astana ýaqytymen 08.00-de bastalady. Jalpy respýblıka boıynsha 10 012 referendým ýchaskesi qurylǵan. Onyń ishinde 52 shet memlekettegi 65 ýchaske bar.
«Keshe saǵat 18.00-de daýys berý quqyǵyna arnalǵan esepten shyǵarý kýáligin berý aıaqtaldy. Respýblıka boıynsha barlyǵy 21 465 kýálik berildi. Daýys berý quqyǵyna ıe azamattardyń tiziminde 11 722 536 azamat bar», - dedi ol.