12 qyrkúıek. Tulǵalar týǵan kún

ASTANA. QazAqparat – Búgin, 12 qyrkúıek tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

66 jyl buryn (1956) QR Parlamenti Senaty tóraǵasynyń eks-orynbasary Bektas Ábdihanuly BEKNAZAROV dúnıege keldi.

Jambyl oblysynda týǵan. 1983 jyly Kırov atyndaǵy Qazaq memlekettik ýnıversıtetiniń zań fakýltetin bitirgen. 2005 jyly «Kompıýterlik aqparat salasyndaǵy qylmystardyń krımınologııalyq sıpattamasy jáne aldyn alý» dıssertatsııasynyń taqyryby boıynsha zań ǵylymdarynyń kandıdaty ǵylymı ataǵyn qorǵady.

Eńbek joly: Jambyl qalasy Ortalyq aýdandyq sotynyń sot prıstavy; Jambyl oblystyq atqarý komıteti ádilet basqarmasynyń keńesshisi, aǵa konsýltanty; 2000-2002 jyldary - Qazaqstan Respýblıkasy Joǵarǵy Sotynyń sýdıasy; 2009-2011 jyldary - Aqtóbe oblystyq sotynyń tóraǵasy; 2014 jylǵy 17 tamyzdan 2020 jylǵy 28 tamyzǵa deıin - Qazaqstan Respýblıkasy Parlamenti Senatynyń depýtaty; 2016 jylǵy qyrkúıekten 2020 jylǵy 28 sáýirge deıin - Senat Tóraǵasynyń orynbasary.

Kóptegen memlekettik nagradalardyń ıegeri

63 jyl buryn (1960) «Samuryq-Qazyna Kontrakt» JShS bas dırektory Serikbaı ELShІBEKOV dúnıege keldi.

Shymkent qalasynda dúnıege kelgen. Almaty halyq sharýashylyǵy ınstıtýtyn bitirgen (1987), ekonomıka ǵylymdarynyń kandıdaty.

Eńbek joly: ártúrli jyldary Qazaq KSR Melıoratsııa jáne sý sharýashylyǵy mınıstrliginde bas baqylaýshy-revızor, QR Qarjy mınıstrligi konsýltatsııalyq-saraptamalyq qyzmet basqarmasynyń bastyǵy qyzmetterin atqardy. «Qazaqstanaýdıt-Qospek» birlesken kásipornynyń bas dırektory: «Qazaqkonsaltıng» UAK prezıdenti (1997-1999); Qazaqstan Respýblıkasy Memlekettik kiris mınıstrligi departamentiniń dırektory, Qazaqstan Respýblıkasy Qarjy mınıstrligi Salyq komıteti tóraǵasynyń orynbasary qyzmetterin atqardy (1999-2004); «QazTransOıl» AQ bas dırektorynyń ekonomıka jáne qarjy jónindegi orynbasary (2004-2006); «QazMunaıGaz» UK» AQ Prezıdentiniń keńesshisi, basshynyń orynbasary jáne basqarýshy dırektory (2006-2012).

2014 jyldan bastap «Samuryq-Qazyna Kontrakt» JShS bas dırektory qyzmetin atqaryp keledi.

41 jyl buryn (1982) Batys Qazaqstan oblysy qurylys basqarmasynyń basshysy Álibek Saıynuly ANTAZIEV dúnıege keldi.

Atyraý qalasynda týǵan. M.Ótemisov atyndaǵy Batys Qazaqstan memlekettik ýnıversıtetin aýdarmashy mamandyǵy boıynsha, Batys Qazaqstan ınjenerlik-gýmanıtarlyq ýnıversıteti qurylys mamandyǵy boıynsha bitirgen.

Eńbek joly: ártúrli uıymdarda menedjer, jetekshi, joba jetekshisi qyzmetterin atqarǵan (2003-2008); «OblTransGaz» MKQK jetekshi ınjeneri, Atyraý (2008-2009); Atyraý oblysy energetıka jáne kommýnaldyq sharýashylyq basqarmasynyń josparlaý-kelisimshart bóliminiń bas mamany, Atyraý qalasy (2009-2011); qurylys bóliminiń óndiristik-tehnıkalyq sektorynyń meńgerýshisi (2011-2012), qurylys basqarmasynyń turǵyn úı qurylysy monıtorıngi bóliminiń bastyǵy (2014-2015), qurylys bóliminiń óndiristik-tehnıkalyq bóliminiń bastyǵy (2015-2016 j.j.) , qurylys bólimi bastyǵynyń orynbasary (2016-2019 j.j.) Oral qalasy qurylys basqarmasynyń basshysy (2019 jyldan bastap).

33 jyl buryn (1990) «AMANAT» partııasynyń atqarýshy hatshysy Dáýlet Jamaýbaıuly KÁRІBEK dúnıege keldi.

Jambyl oblysynda týǵan. 2012 jyly L.N.Gýmılev atyndaǵy Eýrazııa ulttyq ýnıversıtetin «saıasattaný» mamandyǵy boıynsha bakalavrıatyn 2014 jyly magıstratýrasyn, 2018 jyly PhD doktorantýrasyn bitirgen.

Eńbek jolyn Astana qalasynyń Almaty aýdany «Jas Otan» Jastar qanaty tóraǵasynyń birinshi orynbasary bolyp bastaǵan.

Ár jyldary Qazaqstan Respýblıkasy Ádilet mınıstrligi Sot saraptamasy ortalyǵynyń ınspektory, «Jas Otan» Jastar qanaty fılıalynyń apparat basshysy, Nur Otan partııasy janyndaǵy «Jas Otan» Jastar qanatynyń menedjeri, «Jas Otan» Jastar qanaty hatshylyǵynyń uıymdastyrý-aýmaqtyq jumysy bóliminiń sarapshysy, Nur Otan partııasy janyndaǵy «Jas Otan» Jastar qanatynyń hatshylyq basshysy, atqarýshy hatshysy, tóraǵasy boldy, Qazaqstan Respýblıkasy Prezıdenti Q.K.Toqaevtyń saılaýaldy shtabynyń «Team Qazaqstan» jastar qanatyn basqardy.

Nur-Sultan qalasy ákimdiginiń jastar saıasaty máseleleri basqarmasynyń basshysy qyzmetin atqarǵan.

Nur Otan partııasy Nur-Sultan qalalyq fılıaly tóraǵasynyń birinshi orynbasary laýazymynda qyzmet atqardy.

2021-2022 jyldary Jambyl oblysy ákiminiń orynbasary.

Prezıdent jastar kadr rezerviniń quramynda, Nur Otan partııasy Saıası Keńesi Bıýrosynyń múshesi.

30 jyl buryn (1993) Semeı qalasynyń «Elimaı» klýbynyń fýtbolshysy, jartylaı qorǵaýshysy Erkebulan Sabyruly NURǴALIEV dúnıege keldi.

Semeıde týǵan.

Fýtboldaǵy mánsabyn 2009 jyly «Spartak» (Semeı) klýbynyń quramynda bastady. 2015 jyly ol pavlodarlyq «Ertis» sapynda 8 kezdesý ótkizgen. 2016 jyly Altaıǵa qonys aýdarǵan. 2017 jyldyń aqpan aıynda «Oqjetpes» klýbymen (Kókshetaý) kelisimshartqa otyrdy. Sol jyldyń shildesinde ol Bolgarııanyń Joǵarǵy lıgasynyń «Vereıa» klýbynda jarty jyl kelisimshertpen oınady. 2018 jyldyń qańtarynda Qazaqstanǵa oralyp, «Aqjaıyq» (Oral) komandasyna qosyldy. Odan keıin Qaraǵandynyń «Shahter» (2019-2020), «Kaspıı» (2020 jáne 2022), «Aqtóbe» (2021) komandalarynda óner kórsetti. 2023 jyldan bastap qaıtadan «Elimaı Semeıde».