12 eldiń jas ǵalymdary «Býrabaı forýmǵa» jınaldy
Burabay Forum – jyl saıyn túrli memleketten jınalǵan 100-den astam jas ǵalymdardyń ınnovatsııa, ǵylym jáne bilim salasyndaǵy ózekti máselelerdi talqylaıtyn dıalog alańy. Forým aıasynda otandyq jáne sheteldik ǵalymdar ózara tájirıbe almasady.
«Forým taqyryby jastarǵa arnalǵan. Meniń oıymsha, bolashaǵyn oılaǵan kez kelgen memleket úshin jastar men jastar bastamalaryn qoldaý mańyzdy dep oılaımyn. Barlyq memleket úshin adamı kapıtal men jastar bolashaqtaǵy tabys faktory bolyp sanalady. Órkenıet jańa kezeńge qadam basty. Tehnologııalar óndiristi, ekonomıkany, bıznesti, bilim berý men densaýlyq saqtaýdy ózgertti. Búginde 18-30 jas aralyǵyndaǵy 300 mln jastyń turaqty jumysy joq, ondaǵan jyldardan soń mamandyqtardyń 50% jasandy zerde almastyrady. Bul óte mańyzdy syn-qater. Qazir eńbek naryǵynyń pishini men mehanızmi ózgerip jatyr. Bıyl QR Tuńǵysh Prezıdenti - Elbasy qory jastarǵa qatysty 90 shara ótkizedi», - dedi Elbasy qorynyń atqarýshy dırektory Áset Isekeshev forýmnyń ashylý saltanatynda.
Onyń aıtýynsha, Elbasy qory Úkimetpen, mınıstrliktermen jáne óńirlermen birlesip, jas talanttardy qoldaıtyn kóptegen jobalardy júzege asyrady.
«Sonymen birge, shet memleketterde turatyn qazaqstandyqtardy shaqyrǵymyz keledi. Jas ǵalymdar óz elderin damytý baǵdarlamalarynda mańyzdy ról atqarýy qajet. Búgingi qatysýshylar da tájirıbelerimen bólisip, qarar men usynymdar ázirleıdi dep úmittenemiz», - dedi Áset Isekeshev.
Bıylǵy Burabay Forum qatysýshylary 12 elden – Qazaqstan, Armenııa, Belarýs, Majarstan, Qytaı, Qyrǵyzstan, Lıtva, Reseı, Tájikstan, Túrkııa, Ózbekstan, Ýkraına jáne Frantsııadan keldi.
Tórt kúndik slet barysynda jańa fýnktsıonaldyq materıaldar men tehnologııalar, Qazaqstan Eýrazııanyń áleýmettik-saıası jáne tarıhı-mádenı keńistiginde, marketıng pen logıstıkadaǵy Digital-tehnologııalar, HHІ ǵasyrdaǵy agroónerkásip kesheni taqyryptary talqylanady.