115 mln teńge jymqyrǵan Panfılov aýdandyq bilim bóliminiń esepshisi 10 jylǵa sottaldy
14:43, 19 Mamyr 2023
TALDYQORǴAN. QazAqparat - Jetisý oblysy Panfılov aýdandyq bilim bóliminiń esepshisi bolǵan Muhamerova 10 jylǵa bas bostandyǵynan aıyryldy, dep habarlaıdy QazAqparat tilshisi.
«Panfılov aýdandyq bilim bóliminiń esepshisi Muhamerova 10 jylǵa bas bostandyǵynan aıyryldy. Ol is júzinde jumys istemeıtinder arqyly bıýdjetten 115 mln teńge jymqyrǵan», - dedi Taldyqorǵanda ótken jıynda Sybaılas jemqorlyqqa qarsy is-qımyl agenttigi tóraǵasynyń birinshi orynbasary Dmıtrıı Malahov.
Sondaı-aq vedomstvo ókili Kóksý aýdandyq bilim bóliminiń basshysy bolǵan Seıtnııazov pen zańgeri qyzmetin atqarǵan Ýtelbaev ta aktige qol qoıǵany úshin para alyp, 4,5 mln teńge aıyppul tólegenin jetkizdi.
Aıta keteıik, buǵan deıin Almaty oblystyq bilim basqarmasynyń basshysy bolǵan Maıgúl Omarovanyń 10 jylǵa bas bostandyǵynan aıyrylǵanyn habarlaǵan bolatynbyz.